潮福蒸氣石鍋 (已結業)

今日黑雨，但都無滅我地食潮福既決心～收工過到去竟然已停雨，真幸運！有點寒意，一來就上燉湯，西洋菜生魚，十分足料，西洋菜夾魚味，湯沒有任何油，十分健康！飲到尾仍是熱滾滾的，飲下去十分暖胃！服務很好，所有事都有專人服侍，先落生米，跟之前食的蒸鍋一樣，等海鮮精華滲落去每位必有半隻龍蝦，絕不馬虎！ 有碟咁長，蒸的時間掌握得十分好，一叉下去就離彀，肉質彈牙！鮮味十足！聖子皇同龍蝦一樣大隻！ 配上粉絲索味，真係好大隻！呢個價錢，3百多元半任食實在十分化算！ 同散叫質素一樣，因為見住佢係海鮮檔位拿上來的！ 不似一些日式放題般，因就價錢而比低級貨，這點能維持質素，實是驚喜！石蠔，三隻平均也有手掌大， 特意叫姐姐不要蒸太熟，喜歡咬下去未是實肉的口感，配上薑絲片去腥，不用點任何調味，就像平時住家蒸海鮮般，因海鮮新鮮根本就不用額外調味！除海鮮外，其他配料無限任食！和牛片也是！牛肉味幾濃！ 再叫了幾碟！十分大分回本！菜心等亦有，蔬菜籃什麼也有，建議最後蒸菜，海鮮味也能蒸入味！啤酒汽水任飲，超值明碼實價，下次可試散叫今次實在令我對蒸氣鍋改觀！3百幾蚊價錢真係好抵！相比之前其他店散叫實是能掌握預算！