二鍋頭 (嘉芙中心)

营业中

休息中

前幾日同朋友一齊黎食左呢間任食雞煲火鍋，因為朋友好鍾意食雞煲。黎到發現原來呢個餐仲有包埋鴨煲同埋豬手煲任食，但因為我唔係特別鍾意食鴨同埋豬手，所以就無試到啦。二鍋頭惹味雞煲今次叫咗大辣雞煲，雞煲色、香、麻，樣樣都做得好出色。雞件煮得好滑，雞亦都吸收大量辣汁，仲可以無限添加。就算呢個價錢淨係任食雞煲我都應該會再黎食，何況佢唔只得雞煲。我同朋友兩個人都食左兩大煲雞煲。自選火鍋食完咁重味嘅雞煲，火鍋反而想食翻清淡一啲，所以叫咗個番茄薯仔湯。湯底好清甜，可以保留到食物本身嘅鮮味。任食嘅配料都有好多，有各種唔同嘅肉類啦、餃子啦，芝心丸、牛丸等等，仲有生根同響鈴呢啲火鍋必備配料，連海鮮都有得食！有魷魚、帆立貝、蜆等等。呢間嘢其實真係幾抵食，又雞煲，又火鍋，全部野食嘢飲都可以任叫。好特別嘅係飲品櫃有一支支蒸餾水拎，所以唔太好甜飲嘅我就主要飲蒸餾水。我見其他人好似有即斟嘅啤酒飲，不過我就無飲啦。最後發現原來仲有雪糕食，但因為都太飽，所以無食到。下次有機會黎嘅時候要記得留肚食下啲雪糕同雪條先。