影片
更多
2023-03-08
47 浏览
打邊爐食極都唔會厭，食材多花款，而且冇咁多調味，可以試到食物嘅味道！呢間火鍋店牛肉質素幾好，而且有勁多款式嘅海鮮，拼成一個海鮮拼盤都絕對唔係問題，比起連鎖嘅打邊爐仲抵食！晚市佢真係滿晒座，舖頭入面都大而且又唔少卡位，如果同朋友嚟食都坐得舒服～佢主要用手機落單，出面有自助醬料區、小食區、蔬菜櫃、甜品櫃、雪糕櫃，仲有得任飲清酒、梅酒，真係好抵食！------------------------------🐂◖SRF美國極黑和牛片◗ $268揀咗九點入座，每位都係$268，就可以試到多款海鮮同埋高質美國黑牛肉！一坐低嗱嗱臨揀個湯底先，今次試咗佢個椰子雞湯🥥🐓，呢款湯底清清地而且唔係間間打邊爐都有，湯底好香椰奶嘅味道，飲落都幾清甜～呢個套餐嘅帆立貝同埋青口🐚真係必食，煮完出嚟都唔會梅肉，大大粒鮮甜彈牙；佢個套餐仲有一款美國極黑肩胛肉眼片🥩，主要食佢都已經夠皮，大大片牛肉，偏瘦牛肉味超級濃，值得不斷encore，絕對係回本首選👍🏻！肉類除咗美國黑牛肉，仲有牛肩胛片、牛脷托、豬梅肉🐖、羊肉片🐑。佢嘅羊肉片偏蘇，未必個個接受到；佢嘅牛脷托有驚喜，脂肪分布均勻，牛味超級濃，帶有少少牛油香，細細片又脆
------------------------------
🐂◖SRF美國極黑和牛片◗ $268
揀咗九點入座，每位都係$268，就可以試到多款海鮮同埋高質美國黑牛肉！一坐低嗱嗱臨揀個湯底先，今次試咗佢個椰子雞湯🥥🐓，呢款湯底清清地而且唔係間間打邊爐都有，湯底好香椰奶嘅味道，飲落都幾清甜～
呢個套餐嘅帆立貝同埋青口🐚真係必食，煮完出嚟都唔會梅肉，大大粒鮮甜彈牙；佢個套餐仲有一款美國極黑肩胛肉眼片🥩，主要食佢都已經夠皮，大大片牛肉，偏瘦牛肉味超級濃，值得不斷encore，絕對係回本首選👍🏻！
肉類除咗美國黑牛肉，仲有牛肩胛片、牛脷托、豬梅肉🐖、羊肉片🐑。佢嘅羊肉片偏蘇，未必個個接受到；佢嘅牛脷托有驚喜，脂肪分布均勻，牛味超級濃，帶有少少牛油香，細細片又脆口，勁正👅！
出面嘅小食區都有多款前菜，有糖水、滷肉飯，但最驚喜竟然會有麻辣小龍蝦，都幾彈牙鮮甜，啱晒飲下酒用來做佐酒小食～佢仲有個鹹蛋流心丸好特別，笑哈哈樣好得意，食粒丸好似食緊流沙包咁嘅味道，好過癮！
🥠/小食
佢呢度啲小食選擇都幾多，有爆漿黑糖糍粑、鹽酥雞、水牛芝士條、泡椒魚皮、台式一口腸同埋醉雞卷，糍粑同埋水牛芝士條好煙韌，泡椒魚皮嘅花椒味都好爽口惹味，值得一試！
🦐/海鮮類
佢呢度嘅海鮮選擇出奇地多，而且都幾新鮮，回本必備！有海蝦、沙白、水魷魚同埋蟹棒嗰啲，比較特別嘅有魚肚、墨魚仔、沙鯭魚，沙鯭魚係原條嘅魚仔，食落肉質好嫩好滑，但會就多骨啲！
🥓/火鍋配料
有花膠、牛柏葉、腸灌蛋、鵪鶉蛋、白鱔片、墨魚滑、滷牛筋、豬雪花肉片、豬血糕、雞子、豬大腸、豬肚、雞肉、鴨血同埋雞蛋，真係花多眼亂！淨係叫咗佢個鴨血同埋白鱔片，味道正常都幾滑，但盡量都留返肚食海鮮同埋牛肉～
🍮/甜品
甜品出去自己拎，有自家製嘅奶凍、黑森林、Tiramisu、豆腐花等等；雪糕櫃裏面嘅雪條都好高質，竟然有任拎嘅蜜瓜同朱古力味嘅Häagen-Dazs，同埋一啲高質嘅朱古力脆皮雪糕！佢仲有部軟雪糕機，有抹茶同埋牛奶味，有啲冰嘅口感，味道正常，但略嫌茶味唔夠出！
🌟Encore指數：9/10
张贴
