倫哥火鍋私房菜 (已結業)

早聞倫哥私房菜有水準，終於有機會一試。元朗朋友帶我們去到元朗新開的火鍋私房菜，一試果然不得了！火鍋屬於任食套餐形式，大概有十道菜左右，十分豐富。一坐低竟然有一盤鮑魚擺上，鮑魚唔算大大隻，但質地軟滑，新鮮味道濃。醬汁十分濃厚，好夠火候。秋季限定竟然仲有大閘蟹，雖然每人只有一隻，但質素都唔錯，可以過一過口癮。兩個頭盤過後就是火鍋，共兩款，一次過可以食到兩種口味，滿足哂。先是招牌雞煲，乾鍋熱燒。香料味道十分濃厚，帶微微辣，幾惹味。再來艇家蟹鍋，十分足料，大大隻肉蟹在鍋內，而蟹蓋更有滿滿的蟹膏。火鍋料以拼盤形式奉上，打頭陣的是海鮮拼盤。一大盤海鮮共8款時令之選，每人一客，十分有睇頭。海鮮基本上款款海鮮有鮮味，當中最刀貝同白鱔最有驚喜。刀貝乾淨無沙又夠鮮味。白鱔十分考刀功，但大廚處理得好好，薄薄的一片容易捲起，質地又爽滑。牛肉唔算十分高質，但亦比坊間任食火鍋較佳。其他火鍋生料品種十分多，大部分都精緻，算是誠意之作。雖然是任食，但每款食完一客已經十分飽，實在encore唔到好多次。有心大食特食的朋有記得留定肚了！最後的環節，大家抖一抖後，竟然仲有精緻的甜品。「真的假不了」原來是燕窩燉奶，香濃軟滑，