燒蝦蝦 (興泰大廈) (已結業)

如果住喺屯門嘅你都知道想任食海鮮係一件真係幾難嘅事，因為真係唔係好多選擇。點不知近來我喺社交平台一啲群組入邊見到好多人介紹呢間流水蝦放題店所以就今日試吓佢！呢間餐廳我媽咪已經想試好耐㗎喇，因為佢話好抵食㗎呢度係兩個半鐘頭放題仲要有得食又有得玩非常之吸引。聽一啲食過嘅朋友仲話呢度嘅食材好新鮮質素好高㗎！一坐低就見到好多魚缸喺餐桌嘅旁邊，每個魚缸已經放滿晒好多生猛嘅大頭蝦🦐你睇中邊隻就可以揀邊隻，記得唔好俾佢哋啲水彈到啊因為佢哋扎扎跳好生猛㗎‼️