影片
更多
2023-02-10
139 浏览
前幾日經過康怡廣場北座3樓, 發現新開咗間新嘅火鍋放題「佐賀山田.涮涮鍋」, 其中有北海道未來牛涮涮鍋放題任飲任食。今日同家姐就嚟試吓未來牛先。餐廳乾淨企理, 座位舒服, 而且仲係一人一鍋相當衞生, 每人又可以揀自己中意嘅湯底。自助配料吧有多款選擇，如花枝丸，墨魚汁墨魚丸，貢丸、蜜糖腸仔、濃芝豆腐燒、白菜豬肉餃⋯⋯⋯⋯野飲同樣選擇多, 火鍋配菜區包括有唐生菜，油麥菜、娃娃菜、豆卜、西蘭花、涼瓜、蟲草花、韭菜、白蘿蔔⋯⋯⋯另有少量前菜冷盤小食、沙律:湯底方面, 我哋各自揀咗:日本博多華味鳥雞白湯～呢個湯底係其他餐廳比較少見, 味道清甜, 有好幾件雞肉, 避免滾過龍, 食到雞嘅鮮嫩。九州風味豬骨濃湯～極具豬骨濃香, 味道鹹鮮。期間侍應亦會對應湯底加湯, 唔擔心沖淡湯底味道。另外scan QR code落單, 除了肉類, 仲有海鮮類、蝦滑、鴨血、花膠仔⋯蝦滑偏林, 蝦爽口彈牙; 肉類方面, 真係超出放題質素, 每一款牛碟碟都份量十足又新鮮，性價比極高。北海道未來牛原來就係十勝和牛～十勝和牛油脂均衡，含有大量肉汁，脂肪含量低，肉質細嫩，牛香四溢。牛小排～牛隻最精華嘅部位，肉質鮮美滑嫩、油花分布
餐廳乾淨企理, 座位舒服, 而且仲係一人一鍋相當衞生, 每人又可以揀自己中意嘅湯底。
自助配料吧有多款選擇，如花枝丸，墨魚汁墨魚丸，貢丸、蜜糖腸仔、濃芝豆腐燒、白菜豬肉餃⋯⋯⋯⋯
野飲同樣選擇多,
火鍋配菜區包括有唐生菜，油麥菜、娃娃菜、豆卜、西蘭花、涼瓜、蟲草花、韭菜、白蘿蔔⋯⋯⋯
另有少量前菜冷盤小食、沙律:
湯底方面, 我哋各自揀咗:
日本博多華味鳥雞白湯～呢個湯底係其他餐廳比較少見, 味道清甜, 有好幾件雞肉, 避免滾過龍, 食到雞嘅鮮嫩。
九州風味豬骨濃湯～極具豬骨濃香, 味道鹹鮮。
期間侍應亦會對應湯底加湯, 唔擔心沖淡湯底味道。
另外scan QR code落單, 除了肉類, 仲有海鮮類、蝦滑、鴨血、花膠仔⋯蝦滑偏林, 蝦爽口彈牙;
肉類方面, 真係超出放題質素, 每一款牛碟碟都份量十足又新鮮，性價比極高。
北海道未來牛原來就係十勝和牛～十勝和牛油脂均衡，含有大量肉汁，脂肪含量低，肉質細嫩，牛香四溢。
牛小排～牛隻最精華嘅部位，肉質鮮美滑嫩、油花分布均勻，係最頂級嘅肉。鮮嫩多汁的肉質，搭配豐富大理石花紋。
美國和牛～ 分佈了豐富油脂，但口感跟日本和牛唔同，肉質柔軟多汁，唔會有油膩感，同時又食到牛肉嘅肉香。
牛肩肉眼～ 牛味最濃嘅位置，油脂豐富肉質較為結實帶有嚼勁。
牛五花～ 係牛外腹部靠後位置，油脂飽滿充沛，口感不柴不膩, 又帶有牛肉鮮味。
牛坑爪～為牛肋骨之間嘅肉條，肉質帶爽勁，煙韌有嚼頭，唔似坑腩帶肥膏，淥 10-12秒, 食到牛肉嘅甘甜。
牛舌～切得好薄，稍為淥下就食得，幾有牛味。
甜品同雪糕都有好幾款選擇。我就最愛北海道牛乳雪條, 滿足!
张贴
