影片
港铁太古站 A2 出口
继续阅读
营业时间
星期一至四
12:00 - 22:30
星期五至六
12:00 - 23:00
星期日
12:00 - 22:30
公众假期
12:00 - 23:00
以上资料只供参考，请与餐厅确认详情
今日试咗一间新开冇几耐嘅火锅店呢间主打系日式火锅！坐低咗之后，首先就系要拣汤底！呢度汤底有好多款选择,有成九种汤底拣！有九州猪骨浓汤/寿喜烧/骨胶原美颜花胶鸡汤等..我哋系拣咗日本樱花虾沙嗲浓汤同埋寿喜烧汤.呢个系一人一锅形式既！叫完汤底，就要开始点主食，就系牛！😋😋我哋叫咗美牛三重奏放题，系主要食极级美国和牛同牛小排！呢度牛嘅选择非常多！有精选美国牛五花/特选美国牛肩肉/特选美国CAB牛肩胛肉等！非常适合钟意食牛嘅我哋！啲肉都唔会急冻到好鞋，都保持到肉质！另外，出面都有好多丸/配菜拣！嘢饮种类都有好多选择！而且餐厅感觉到好干净，唔使怕好似其他啲火锅餐厅感觉油冧冧！所以呢间餐厅都值得推介😋
继续阅读
今日约咗朋友去太古，特登食呢间佐贺山田，佢主打一人一锅任食高质日式边炉。前排见佢做紧主题，澳洲黑安格斯 $249 ，有我至爱牛板键 同日式广岛蚝。所以就同朋友要咗每样一款嚟试吓，佢以QR code落单咁方便唔会有漏单嘅情况，肉类方面有澳洲黑安格期牛板腱・特选美国CHOICE牛肩肉 ，特选美国CAB牛肩胛肉 •精选美国牛五花，美国豚肉，特选美国鸡腿肉，美国豚五花肉。望到都非常吸引。每款肉质都好新鲜，仲可以见到清晰嘅纹路。啖啖蚝肉，肥美饱满配上浓郁味噌汤底。另一个要咗樱花虾沙嗲汤底，有少少花生香味，唔会过咸。外面有个自助吧，选择都唔少有各款丸，仲有螺肉、八爪鱼等嘅日本小食，从出面雪柜仲有好多新鲜蔬菜，有白菜仔油麦菜仲有我至爱嘅羽衣甘蓝估唔到呢款都会有，惊净系食欲会太，仲可以食啲菜，够晒有营养。而甜品雪糕都有唔少选择有好多明治嘅红豆雪条同蓝莓乳酪雪条。
继续阅读
呢间就唔建议 试完一次就够 #可一不可再系列 记得个次叫咗日本佐贺霜降黑毛和牛 食90分钟嘅系自行scan qr code落单 但系呢 最奇怪嘅系 佢上咗好多冇叫到嘅牛（好大碟白色长方形碟）之后问返佢系咩牛 对方话佢唔知🫨 但上菜正常会有单架麻🤔🤔 明明冇点过嘅平啲个啲牛（碟碟都好大碟）佢就系咁上 唔知佢系特登定系点 佢上到啲嘢错晒同埋间嘢对于用餐时间都几执著下 虽然我知比个客超时系人情 唔比系道理 但系间嘢冇咩人 都系咁催 讲紧系迟咗10分钟之内 催咗几次整体嚟讲 觉得呢个价钱食其他嘢仲抵 佢自助区啲嘢食选择唔算多 仲要日本佐贺霜降黑毛和牛都几肥下 会食到有滞嘅感觉 同埋好记得佢啲熟食 𠮶阵连薯角都可以卖晒 花胶都系卖晒🙈我觉得已经叫咗个最贵嘅餐 食物质素 同服务质素都唔掂 好失望 原先谂住咁贵唔系咁架麻🥲
继续阅读
唔知点解香港人咁钟意打边炉。可能因为念唔到食乜，就去打边炉，就可以到时再选择食乜。今次我地说择唔食肉，只食出面任食打边炉料。丸类加肠仔，瓜类相对多，仲有南瓜比较吸引，但呢类都似街巿货式，唔知日式从何来。而整体选择，一眼见晒。唯一日式就系有嘅拉面，好日系。菜类都有几款嘅。有玉子豆腐。平时一人一锅，今次因位置问题，安排左鸳鸯锅，都有佢好处，因为个猪骨汤无乜味，好在个蕃茄汤底够味，禾甜，用黎煮出面拉面加个汤底，有一般日式拉面嘅风味。饮品选择尚算多，汽水纸包饮品都有齐。甜品方面，都系出面攞货嘢，不过不失，蛋糕有3只味。仲有雪条，有雪糕，雪糕味道我试左咖啡都几香，不过唔够浓，但打边炉配送，已好吸引。因为系本地自家制，唔系大公司，比我预期中好味。总结，唔食肉嘅我地，斋食菜就觉得选择小左D，而最重要系打正好似日式嘅旗号，其实只系一般港式打边炉，不过一个价任食，有前菜有主食，有甜品，都可以啦！
继续阅读
环境差，食物质素差，芋丝都冇，普通豆腐都冇，只系得最基本六种丸，龙虾丸、白鱼蛋、公园、蟹籽丸、颓版芝士竹轮、牛筋丸，菜种类亦不多，只得油麦菜、唐生菜及娃娃菜，啲菜仲要唔新鲜、系黄嘅。最差系服务质素，落单时前面一直简唔到餐，叫我简先，个经理唔比落餐先，死都要前面落完单先比我。落单前问个店员系咪第二位半价，个店员话有 我先入去食。结果埋单嘅时候先同我讲呢个餐冇，又唔比我upgrade个餐，揿住我抢。唔推介 blacklist，个抵食 逼我比分，如果唔系我一定比负分
继续阅读