Poke Go (漆咸道南)

营业中

休息中

之前試過佢哋深水埗間鋪，已經覺得好抵食，d材料好似唔使錢咁，真係要留定個肚先好去食。今日行過覺得好熟面口，原來係同一間嘅，又未諗到食乜，所以就同朋友去咗啦。同樣都係要自己揀餸，再出去落單嘅職員先俾錢。我同朋友都揀左吞拿魚同沙律菜底，經過上次嘅經驗之後，都係唔叫飯會好啲，因為真係驚食唔晒😂我叫咗枝仁豆，芝麻海帶同埋豆腐，佢哋個蜜糖芥茉醬真係好正，甜甜地再加埋呢啲咁健康嘅配搭成件事即刻覺得無咁guilty。芝麻海帶差唔多鋪滿左半個碗，再加上其他任揀嘅seasoning: 果仁，木魚絲，岩鹽，紫菜絲，脆蒜，同埋辣椒。朋友就叫咗青瓜粒，雞蛋絲同芝麻海帶，同樣份量亦都好驚人，最後要加$2要一個外賣盒，先覺得冇咁衰仔。小插曲：朋友個一碗上到嚟嘅時候發覺漏咗醬汁，但係侍應都好好咁樣即刻叫廚房整一兜仔俾我哋，態度好好呀👍🏻總結：雖然近年香港多咗好多poke bowl地方。但係好多定價都好進取，呢一間雖然係尖沙咀地舖，但係份量亦都比得好足，而且真係好食用料亦都新鮮，值得推介。深水埗同尖沙咀兩間都保持到差唔多嘅質素。