來發館海鮮火鍋刺身專門店

营业中

休息中

門面光鮮吸引，就入去試下。叫咗$288二人套餐。一個椰子雞煲加煲仔飯加一碟菜，一碟北寄貝刺身，醬料另外每人加$15 ，再加一，埋單近500。初初嚟椰子雞煲啲湯以為係滾水，求其加兩舊粟米幾片椰子。半隻雞等水滾自己落，啲雞先係精華，每件夾上手件件都有幾條雞毛，我唔敢問侍應啲毛係咪食埋，最後咬走晒啲皮淨係食雞肉，但係啲雞肉又好鬼韌，半隻雞入面食到嘅我諗得兩三嚿，只有脾嗰舊係叫做好啲。個湯滾耐咗，終於有啲椰子味，飲咗幾啖當水飲都算OK。煲仔飯沒有飯焦，味道可接受，好在有個煲仔飯填肚，如果唔係$500都食唔飽。總結成個餐，最好食嘅係椰子片同粟米。