來發館海鮮火鍋刺身專門店

营业中

休息中

Men’s talk night~志在傾吓偈吹吓水，打邊爐食物叫得唔多。不過今次小食就試咗涼伴魚皮。因為入嚟嘅時候見到隔籬枱好似幾正，食落都唔差夠爽。沙薑雞腳入味亦都唔會過鹹。個人就好喜歡食呢度啲餃，大大粒又多蝦肉。另外叫咗條大嘅象拔蚌，切條就近膽位嗰邊係最先鮮甜，蚌真係冇得輸！

門面光鮮吸引，就入去試下。叫咗$288二人套餐。一個椰子雞煲加煲仔飯加一碟菜，一碟北寄貝刺身，醬料另外每人加$15 ，再加一，埋單近500。初初嚟椰子雞煲啲湯以為係滾水，求其加兩舊粟米幾片椰子。半隻雞等水滾自己落，啲雞先係精華，每件夾上手件件都有幾條雞毛，我唔敢問侍應啲毛係咪食埋，最後咬走晒啲皮淨係食雞肉，但係啲雞肉又好鬼韌，半隻雞入面食到嘅我諗得兩三嚿，只有脾嗰舊係叫做好啲。個湯滾耐咗，終於有啲椰子味，飲咗幾啖當水飲都算OK。煲仔飯沒有飯焦，味道可接受，好在有個煲仔飯填肚，如果唔係$500都食唔飽。總結成個餐，最好食嘅係椰子片同粟米。

以前經過來發火鍋館必定係爆棚！今日放假同家人去咗太子來發館食火鍋，已經唔係第一次食，因為佢嘅牛肉真係好新鮮，又抵食又靚!!三文魚刺身也恰到好處最值得讚賞嘅地方就係佢哋嘅肉丸全部都係新鮮手打，丸類又極其創新，點諗到一個肉丸裏面可以有咁好食嘅芝士餡湯底我哋普普通通嗌咗沙嗲拼皮蛋芫荽湯底，叫咗芝士丸、牛柏葉、鵝腸、蝦丸等等三個人食最後千4埋單，價錢中規中矩知道佢哋仲有卡拉OK房，同親朋好友聚會來發館又係一個好地方

Men’s talk night! 唔係食小菜就係打邊爐，今次試吓呢一間火鍋，之前去過大角咀嗰邊食小炒。其實志在大家傾一傾偈飲下啤酒，打邊爐嘅份量唔係叫得好多，先叫咗個牛腩湯底，都幾清甜牛腩唔使煲得太耐都可以食，不過佢如果係蕃茄濃湯就更加出色。叫咗個本地手切肥牛雙拼，舊老細有少少失望，因為睇落去同平時食嗰啲手切牛有少少唔對辧。雖然我地叫嘅嘢食唔多，有種比較欣賞係佢個水餃雲吞，蝦肉好爽，又大粒又相當足料。另外個炸魚皮都好新鮮，炸係熱辣辣超脆好好食。食到咁上下我哋就叫咗一條象拔蚌刺身，上枱嘅時候都幾震撼，因為條蚌都幾大條，價錢都係$1680相當超值，另外象拔蚌近膽位切條嗰啲超濃，鮮甜到震，配埋威士忌真係一絕。前端切片嗰啲都唔差相當脆口爽甜。另外後加咗一碟手切牛，呢碟又靚靚仔仔，舊老細即刻滿意晒，所以建議唔好嗌雙拼。你同我而家。

叫咗個288套餐，藥膳雞煲，臘味飯，一份菜，都幾抵食，個湯底都幾好飲，雞嚟到都有半隻，臘味煲仔飯有飯焦都食得幾過癮。因為我哋四個人食，所以都嗌咗其他嘢食嗌咗碟本地肥牛。肥牛嚟到都幾新鮮。另外再嗌咗豆卜釀魚肉，午餐肉，菜，雲吞，正常發揮。服務態度都正正常常咁啦，叫店員幫手加湯都幾快會過嚟幫手，係啲位比較狹窄咗少少，我哋坐咗之後搞到隔離張枱店好似入唔到去咁。食晒之後都唔會講你走，有機會都會再同朋友過嚟呢度食嘢再聚吓

打邊爐條筋一抽起呢就㩒都㩒唔住🤣香港人夏天都打邊爐是常識吧 不用驚訝今晚都唔例外 尤其係休漁期剛過仲唔係好時機🤩終於試到游水花竹蝦 刺身食 上檯時隻蝦仲識郁勁新鮮蝦肉爽彈到一個點 鮮甜❤️蝦頭連殼掉落個鍋 食熟咗嘅蝦頭膏同蝦身少少肉 熟嘅無刺身咁好食仲叫咗牛胸爽、手切本地牛、脆鯇腩、黑柏葉、萵苣牛胸爽真係好爽 其實佢唔係脂肪嚟係胸肋骨中間嘅軟骨 所以有好豐富嘅骨膠原要食多啲😎😎手切本地牛 肉味濃有咬口脆鯇腩呢個時候都仲食到彈牙 認真唔錯

牛肉係主角，每次黎都食好多手切牛肉。刺身都非常唔錯，價錢合理。門口通常都可以停車。離港鐵站都唔算遠。環境就會有啲曹，不過飲啤酒，打邊爐就係咁！可以話係有氣分。服務都好親切，明顯好多熟客！帶酒會有開瓶費（好似50一瓶）

坐得舒服，又靜靜地既火鍋店，同一般港式火鍋最大不同處，係佢地有豐富既刺身。可能是地區問題，價錢也不貴，像手掌大的生蠔，才$56一隻。我在別的壽司店吃類似的巨型生蠔，要$98有刺身併盤，有象拔蚌，很多壽司店沒有的刺身，他們也有。但他們主打還是火鍋，手切鮮牛肉是主菜不知道是疫情還是其他關係，晚市8時入座率也很低，沒有二成人。可能如此，才給人整潔乾淨的感覺。因為裝修也不是很新。連啤酒和其他小菜，最後每位$400，其實算平了，因為有質素的火鍋，人均消費很容易過千。

訂咗一間房、有麻雀打、有得唱K、啱晒聚會！最鐘意一邊打邊爐！一邊食刺身！刺身非常新鮮！我哋叫咗生蠔🦪！海膽刺身，生蝦刺身、象拔蚌刺身！象拔蚌刺身嚟嘅時候簡直嘩一聲！因為架玻璃船好大隻！象拔蚌厚切！非常鮮甜！火鍋配料選擇好多，牛肉好靚好新鮮！我哋叫咗一個蟹鍋，一個羊腩煲同埋一個莞西皮蛋煲！如果捨得食靚刺身，靚配料，呢度係一個唔錯嘅選擇！另外生蝦刺身既蝦頭，同埋蝦殼仲椒鹽炸左非常好食👍🏻注意房間有最低消費，可以打去詢問一下

原本早幾日已訂位並確認，到當日用不同大話去騙我地，直到我地話想睇下間房根本講緊大話。由壞冷氣，漏水，間房搵唔到師傅整。其實直接話無房會好過講咁多大話去浪費人地時間。訂位人數十幾人，有無唸過早講真話其實人地會好安排好多呢！太過份既處理方法。

雖然香港的冬天越來越唔凍，但踏入11月中，以時間上來說，已是深秋、算入冬了；既然已經是冬天，當然又係打邊爐季節的開始，今晚就開齋。港鐵太子站至深水埗站之間的幾條次要後街原來有很多唔同類型的食店，平時甚少在這一帶出沒，如果唔係朋友介紹都唔知道，今晚就揀了大南街的「來發館」。雖然並非位於佐敦、尖沙咀或九龍城等熱門港式火鍋店集中地，但仍然門庭若市、每一枱都坐滿了人。店內裝修未至於地踎，但肯定只是街坊格局；要求靚靚裝修的話，「來發館」就不是那杯茶了。今時今日的港式火鍋店越來越高級，當然不少得刺身及游水海鮮，火鍋店名字也以海鮮及刺身作招徠。火鍋配料的選擇雖然只有一張A3紙，但密密麻麻寫滿了各款海鮮、肉食、蔬菜等等，加上魚缸內的游水海鮮，應該可以滿足所有人的口味。等送上鍋底、再等水滾期間，先叫一個香口小吃炸鮮魚蛋角（$48），其實即係類似炸魚片頭。熱辣辣、咬下去甚至燙口，足証新鮮即炸即上菜！表面香口、咬落非常彈牙，佐啤酒一流。來發濃湯豬骨鍋（$68）只是最基本的湯底，湯料原本亦只有豬骨、粟米、杞子、唐芹，望下去亦很肥膩；所以加入了兩款配料雞髀菇（$30）及蘿蔔（$28），全部放入鍋底一齊滾。雞髀菇

和家人已經是第二次嚟打邊爐，第一次已經是一年前，當時亦有人公然在食肆內吸煙。今次情況一様，加上食客又飲醉酒，講嘢大聲，我們同枱傾偈都要嗌出來，即使食物有多新鮮多好味道，在這樣烏煙瘴氣情況之下，食慾大減，我們盡快食完便離開。如果控煙辦的辦公時間直到晚上九點就好了，我可以食少些二手煙。如果一家大小想安靜地共享晚餐，這裡不是一個合適的選擇！原因除了要吸二手煙之外，洗手間是在餐廳後巷，小朋友和老人家都不太方便，而且最好有人陪伴才一起去比較安全。

幫趁左呢間火鍋店都有好幾年， 係我同一班舊同事嘅聚會熱點， 貪佢豐儉由人，食材新鮮，兼且性價比甚高👍，雖然佢地點同環境都係好街坊，唔夠fancy。某日家姐細佬話想打邊爐， 要求平靚正，於是我膽粗粗帶佢嚟呢度試，結果一試佢地就愛上，今日我地仲約齊全家人來個合家打邊爐添😁🤭。其實呢度有咩咁吸引呢？上次同家姐嚟食左超大隻蟶子，鮮甜好味又冇沙，都只係48蚊一只👍。可惜今晚佢話蟶子唔靚仔所以唔賣😱。噢咁就出事喇，因為家姐話點都要點知海鮮，結果... 點左隻象拔蚌🤣，好新鮮，好甜好爽脆👍。之後先吃兩個小食隔下先，魚蛋角同雞軟骨都好正，不過其實最好味嘅係響鈴，但今晚竟然唔記得左點😒到戲肉打邊爐喇，當然就係叫到一枱都係，不能盡錄啦😁🤭但其中我嘅心水就係花雕牛肉粒，腍軟有肉味👍牛肉就緊唔少得啦，好有牛味但仍然有咬勁。豬膶係我一定要點嘅，爆錶都要食粉腸有粉冇腥味豬嘜午餐肉😁，好無聊但都要食架美國桶蠔，愛蠔者要試呢味炸芋頭，係姨甥一定要點嘅，當小吃或放火鍋湯滾兩皆宜喎😋最後芝心墨魚丸話裡面勁多芝士但我一粒都分唔到😒其實仲有幾我地都成日點嘅，好似牛骨髓、豬腳筋等都好靠得住。我個人覺得呢度嘅食物水準有返咁上下，

位于太子的这家来发馆是吃打边炉的好地方，店里位置够宽敞舒适，位置够多，高峰期也基本不用等位，服务态度不错。不吃海鲜的话人均300也能吃的蛮开心，吃海鲜各种海鲜新鲜的性价比还是挺高的，澳洲龙虾，象拔蚌之类的新鲜个又大，不像港岛核心区域的那些店，又贵又小。点了龙虾，象拔蚌刺身，味道还是不错的，象拔蚌实在太大，四五个人根本吃不下，最后只能就着火锅涮锅了。雪花牛肉，生蚝，虾滑，墨鱼滑，时蔬，海带等都还可以吧，牛肉和生蚝很好吃。最后剩下的龙虾煲粥也是不错的。服务态度还可以，但是服务员有些不够用，洗手间在后门，有些简陋但还算是干净。用餐完毕之后这个地段有点不太好打车，一般得坐地铁或者叫Uber，总体而言吃打边炉很好的一家店。

以為就咁一大盤海鮮唔夠，仲要追加好多款餸，點知喜出望外！最令我驚喜係每款海鮮都好新鮮，又大舊肉，鮮甜，絕對唔係hea你成份！打完邊爐，緊係要加d粥泥劃上完美句號啦，開頭以為會好膩（始終都煮左咁多野先食個粥），好彩食落都幾好，粥係好甜嘅。最好呢度係唔會趕你走，人又少所以上d野都好快，又唔會好嘈！