Lamlam脷 (已搬遷) 新店位置

Lamlamli本身係一間ig shop，經店主嘅努力，係太子開左實體鋪都有一段長時間，但可惜太受歡迎，預訂原個蛋糕都要等至少半年後，見今日係附近，特登行過去買散件試下。為左令多啲客人買到切件千層蛋糕，佢限每人最多只可以買兩件，呢個安排幾好，減低令到客人特意黎到但運吉而回。平時lady m都有千層蛋糕，但流心嘅就比較少見，所以今次試試朱古力流心。好好食好香濃，真係皮薄，唔算好溜，一人食一件剛剛好！$34一件，每日新鮮製造，價錢都算合理，比起lady m平得多tim！如果真係鍾意食千層蛋糕，呢間真係要一試，支持一下香港小店！