影片
更多
2009-07-02
16 浏览
之前見報紙推介這間茶餐廳, 於是今日約同朋友黎試下新野. 等左5-10分鐘有位, 入到去剛巧有張3人枱, 我地好自然去坐, 點知有個高高瘦瘦黑頭髮扎辮的 waitress 硬要我地同人撘枱坐4人枱, 我話我地唔想撘枱. 佢點都唔肯比我地坐果張3人枱, 仲話哩張枱係比3人坐的, 佢仲要加多句話 "哩度係一定要撘枱架". 我就話這兒都唔係一定要撘枱丫, 我見到有2張2人枱, 我話我地可以等果2張2人枱, 點知, 佢話驚我地等得耐!! 點都要我地同人撘枱. 我覺得果個waitree真係有心趕客, 態度又差, 連一句類似唔好意思的說話都無講過, 好似老馮咁諗住d客一定就範. 我朋友實在太好人, 佢話拿拿林食完走, 撘枱一次都無所謂.報紙推介這兒的叉燒飯, 窩夫及厚蛋治, 於是我地就點了這三樣. 點知, 奇怪既事又發生啦. 個waitress 話飯同窩夫都賣晒. 我心諗唔係掛, "今日係七月一號公眾假期的中午時間, 一間茶餐廳居然話無飯賣". 於是唯有改叫叉燒意粉及厚蛋治. 跟餐野飲就叫凍奶茶及橙汁, 點知個waitress 又話橙汁賣晒. 唉, 究竟佢地係唔係做生意
報紙推介這兒的叉燒飯, 窩夫及厚蛋治, 於是我地就點了這三樣. 點知, 奇怪既事又發生啦. 個waitress 話飯同窩夫都賣晒. 我心諗唔係掛, "今日係七月一號公眾假期的中午時間, 一間茶餐廳居然話無飯賣". 於是唯有改叫叉燒意粉及厚蛋治. 跟餐野飲就叫凍奶茶及橙汁, 點知個waitress 又話橙汁賣晒. 唉, 究竟佢地係唔係做生意架, 服務態度咁差, 依家又話連飯, 窩夫同橙汁都話賣晒. 真係差 ! 差 ! 差 !
1. 叉燒意粉餐 ($35) - 叉燒好夠稔, 叉燒汁又甜又好味, 不過意粉同湯底都係好普通, 一d特別都無. 跟餐的還有2片麵包, 炒蛋及火腿, 炒蛋尚算滑, 比一般茶餐廳少油好多, 頗健康, 但味很淡, 更談不上有蛋香. 不過麵包及火腿就非常普通了. 當我地食食下既時間, 見到餐廳門口有架太興燒味既貨van停係餐廳門口, 跟住有個著住太興制服既工人入黎將張類似貨單既紙比餐廳侍應, 侍應收左張紙, 我同朋友估計這兒的叉燒好大機會係跟太興擺貨的. 如果估計無錯的話, 咁這兒又何需自誇叉燒好食. 要食叉燒的, 我倒不如直接去太興食好了.
2. 朋友點的蛋治餐 ($30) 賣相很靚, 雞蛋有2吋厚. 這兒的蛋治標榜用北海道3.6鮮牛奶炒成, 方包又夠厚又軟熟, 不知是否因為用牛奶炒的關係, 蛋也算頗滑, 但味道很淡, 只是偶然食到有一堆鹽, 沒鹽的地方就很淡, 無乜味, 連蛋香都無乜. 另外, 蛋也煎得不錯, 有蛋汁, 質感不錯.
3. 凍奶茶 - 凍奶茶叫左成10-15分鐘都未拎黎, 跟侍應說, 她同我講話整緊, 但係就無同水吧反應又繼續替客人落單; 再過多5分鐘還沒送到, 再問, 她又說整緊. 點知轉頭見到有另一個侍應將水吧枱面果杯凍飲拎黎比我. 其實果杯野飲, 我好早之前己經見放左係水吧枱 (因為我是坐水吧前面第一張枱的), 由我第一次問佢果時己經見到杯野飲係水吧枱面, 侍應唔跟單又唔多理水吧枱面, 做水吧的見到好耐無人拎又唔理. 實在差 我覺得這兒的凍奶茶比一般茶餐廳差, 味淡茶唔夠濃也不夠滑.
看報紙知道這兒的老闆是John Ho. 若要標榜係一間東瀛之味的茶餐廳, 就更加要加強員工服務態度的訓練. 話晒日本人做事認真不馬虎.
张贴
