割烹 櫓杏 (iSQUARE國際廣場)

营业中

休息中

無意間廣告見到呢間餐廳有lunch set 第二件半價優惠，所以就同好友去咗試。首先講咗餐廳環境同服務態度，不得不讚呢度啲店員個個態度都真係好好，感覺就好似去咗啲好豪華嘅西餐廳咁。而餐廳環境就望住個海景，最衰嗰日有少少落雨，不過個景都已經贏晒。咁我哋兩個就分別嗌左一個三彩井同埋銀雪魚。三彩井啲魚生真係好新鮮尤其係吞拿魚嗰個，鰻魚同埋三文魚味道都非常之到位。條銀色魚好滑有少少入口即溶feel，不過條魚就細咗少少。配菜都好好味特別係個燉蛋同埋缺餅。Overall 個人認為呢個價錢浮食物來講算有少少貴，不過加埋個景同埋服務態度就可以接受，份量都飽肚。