心之食堂 (裝修中)

第二次嚟心之食堂，上次食過呢度嘅串燒後就念念不忘。今次拉埋朋友嚟飲酒食宵夜chill下😎秋葵刺身沙律（$88）秋葵刺身配上酸酸甜甜嘅秘制醬汁，清新醒胃又涼快，好啱夏天食😙原條日本燒魷魚（$88）居酒屋經典小食，送酒一流！切得厚薄一致，口感煙韌，越嚼越香🤤燒雞軟骨（$38）一份三串幾抵食🤩口感脆卜卜焦香十足！鈿女優雅純米大吟醸（$188）香氣馥郁而溫和，偏甜易入口👍🏻尤其配秋葵刺身沙律同燒魷魚品嘗，鮮味更紮實，餘韻悠長～全部菜式即叫即整，上菜速度算快。店員親切有禮，會幫忙斟酒，收碟都好有效率。食物質素非常之高而且又唔貴，今餐我同朋友都好滿意🥰