日航咖啡室 (已結業)

2008.12.07(日) 用HSBC七折積分換來兩張Lunch Buffet Coupon，同時也換了隔壁酒店的，留待下月四號去﹔過去兩年最愛換怡東酒店既一樓Coupon，可惜今年冇咗。多年前到過這兒，當時真金白銀付錢，食物種類少不特止還不見得好味，所以在沒選擇的情況下及迫不得已才換此Coupon，比起同層對面的名仕簡直有天與地之感。日航確是我倆緬懷的地方，善用兩張餐卷來預祝11號踏入鐵婚之年，順道走到Ballroom門前看個滿足﹔修葺過的門前比當年更添瑰麗典雅。話說回來，這頓午餐確令我改觀﹔雖沒有生蠔﹑拖羅等高价貨供應，但種類明顯多了﹑味道也好了不少。刺身例必有的三文魚及吞拿魚，前者一般後者多筋，決定少吃留肚﹔焗蠔﹑冬蔭公﹑泡飯﹑雲吞﹑印度薄餅﹑拉茶(分多薑/少薑，好滑但多薑真係好辣)﹑龍脷柳﹑愛爾蘭炆羊肉﹑沙津吧(醬汁種類多)﹑檸檬醬芝士餅﹑焦糖布甸﹑果汁冰﹑軟雪糕等均好味。坐近窗旁位置開揚視野較廣闊，可能天氣轉涼關係空調也相應調低，嘗試行了餐廳一周也難找到一處空氣流通位置…作罷﹔餐廳倒貼心照顧小朋友，除派送汽球外還設置自制風車小手作部，提供親子同樂時刻，值得加分。