名字：因為店主就係中本文紀先生 鮨就是壽司咁解。中本さん已經做咗日本師傅30年以上😎
地址：中環砵典乍街16號地舖
推介：廚師發辦的握壽司🍣 自家製玉子蛋🧈
基本上，店中所有握壽司的刺身都好好食🤤 肉質鮮味。有油脂豐富多嘅、都有肉質彈牙的
中拖羅 & 大拖羅
係我影相嘅時候，師傅特登遞咗張黃紙比我，講返吞拿魚嘅產地係北海道青森縣。大間號 ⛴️ 用延繩🪢 的方法釣穫。唉😮💨 我仲以為係師傅個名🤦🏻♂️ 笑死師傅。
石鯛（いしだい）
三文魚配蒽蓉（サモン）
應該係三文魚的腩位、油脂豐富；加上蒽蓉做 flavouring 好正。
馬冀海膽
魷魚🦑
魷魚係白身嘅海鮮、所以師傅加咗柚子鹽🍋🧂調味。肉質彈牙
赤身（あかみ）
我用有限的日文問過師傅，佢答：日本人真係鍾意食吞拿魚多個三文魚～ 呢塊赤身，好味😋
春子鯛（カスゴ）
係刺身之下真係有有少少魚春，肉質好柔軟、冧身。話說，關於春子鯛，有個日本動漫就講到春子鯛與真鯛的對決⚔️ 大家可以Google 下「綺羅羅的壽司」🔍
磯燒北寄貝
燒過嘅北寄貝味道有煙燻嘅味道👍🏼 肉質仍然保持彈牙新鮮感覺。
燒海鰻
原來鰻魚（うなぎ）與海鰻（あなご）唔同～ 燒海鰻入口嘅味道少少香脆，裡面肉質軟冧，加埋醬汁燒烤，小惹味。
