晴空日本料理

营业中

休息中

每隔兩個禮拜女朋友就會嘈住想食日本嘢，所以口袋裏永遠要裝着幾間日本餐廳，今日嚟到尖沙咀，入到去樓底好高感覺舒服，服務人員態度殷勤，食物質素都幾高！喺餐牌上見到比較少見嘅粟米天婦羅，所以今晚就叫咗一份，椒鹽味道好香，食落不油不膩，非常香口！另一份煎炸食物要咗脆炸富士灣小白蝦，食落鹹鹹香香，細細條不過蝦味好重，叫返支酒去配搭真係一流。香辣吞拿魚特卷都係私心之選，飯卷實淨，面頭有沙拉醬攪拌左嘅吞拿魚蓉同炸蒜絲，食落無咩魚腥之餘仲好夾味，餘韻帶有小小辛口感。