影片
更多
2019-05-12
133 浏览
有位好鍾意食日本菜嘅朋友生日，所以今日帶佢嚟呢度食餐好嘅！環境好靚好高雅，木質裝飾再加上插畫，好有日本味道。仲有獨立房間，以榻榻米方式用餐，充滿日式文化。 呢度嘅食物選擇好豐富，有齊串燒、刺身、軍艦、壽司、沙津、炒飯等等各種和食，最近仲有個和牛壽喜放題，唔想單點都可以揀套餐。。。都真係需要啲時間慢慢諗食咩好啊。《大蝦無花果伴生菜沙律》$128生菜新鮮，好爽脆👍🏻醬汁酸酸甜甜，mix左胡麻醬，味道清新得黎唔單調。大蝦新鮮，爽彈。無花果清甜。整體不錯。《油甘魚刺身》$118好有厚度，色澤剔透，紋理清晰好靚👍🏻入口軟嫩爽口，帶少少甘甜👍🏻《花木玉子燒軍艦》$28/1呢舊玉子真係食過之中數一數二，超厚身，又有蛋香，而且係好滑好細密，配上紫菜口感更好，不過個人認為唔加紫菜會更可以突出到蛋香。《黑松露鰻魚卷》$168用原條鰻魚☺️鰻魚雖然唔算好厚肉，但係肉質好細膩，食落好juicy有魚油香，而且好軟嫩好滑，係我鐘意既口感😆有細骨但唔多，可接受👍🏻飯送就普普通通，以醬油調味再包住青瓜絲，配上鰻魚食都唔錯🥰《鰻魚炒飯》$188價錢有少少貴，但係份量真係好多，足夠三至四人食。飯粒唔會太淋，粒粒分明，好
環境好靚好高雅，木質裝飾再加上插畫，好有日本味道。仲有獨立房間，以榻榻米方式用餐，充滿日式文化。
呢度嘅食物選擇好豐富，有齊串燒、刺身、軍艦、壽司、沙津、炒飯等等各種和食，最近仲有個和牛壽喜放題，唔想單點都可以揀套餐。。。都真係需要啲時間慢慢諗食咩好啊。
《大蝦無花果伴生菜沙律》$128
生菜新鮮，好爽脆👍🏻醬汁酸酸甜甜，mix左胡麻醬，味道清新得黎唔單調。大蝦新鮮，爽彈。無花果清甜。整體不錯。
《油甘魚刺身》$118
好有厚度，色澤剔透，紋理清晰好靚👍🏻入口軟嫩爽口，帶少少甘甜👍🏻
《花木玉子燒軍艦》$28/1
呢舊玉子真係食過之中數一數二，超厚身，又有蛋香，而且係好滑好細密，配上紫菜口感更好，不過個人認為唔加紫菜會更可以突出到蛋香。
《黑松露鰻魚卷》$168
用原條鰻魚☺️鰻魚雖然唔算好厚肉，但係肉質好細膩，食落好juicy有魚油香，而且好軟嫩好滑，係我鐘意既口感😆有細骨但唔多，可接受👍🏻飯送就普普通通，以醬油調味再包住青瓜絲，配上鰻魚食都唔錯🥰
《鰻魚炒飯》$188
價錢有少少貴，但係份量真係好多，足夠三至四人食。飯粒唔會太淋，粒粒分明，好有蛋香👍🏻鰻魚粒好飽滿，有彈性，份量比我想像中多，性價比都算幾高。
《網燒日本和牛》$288
燒得好出色，保留到牛肉既色澤嫩紅，入口好軟嫩好juicy，然後油脂不斷湧出，牛味愈咬愈出，超香口👍🏻👍🏻仲有香脆既炸蒜同青檸，更加惹味，好值得食！
除左食物真係幾唔錯之外，服務都好好，會主動針水，收空碟，而且笑容友善，朋友都讚好☺️
张贴
