ALTO Bar & Grill

营业中

休息中

最近去咗一間銅鑼灣餐廳，呢度嘅食物同環境真係令人難忘！餐廳嘅前菜係一個自肋沙律吧。入到去，我就見到一大堆新鮮嘅蔬菜同埋配料擺喺枱上。我可以自己揀選我鍾意嘅沙律，真係勁正，淨係試哂佢所有沙律都有d 飽，仲有最中意食嘅吞拿魚刺身。除左沙律bar ，仲有自助朱古力火鍋水果，任你食幾多生果，點幾多朱古力醬！而主菜係T-bone同wellington。T-bone煮到岩岩好，肉質鮮嫩多汁，每一口都帶有濃郁嘅牛肉味道。而wellington係用酥皮包裹住嘅牛肉，酥皮鬆脆，牛肉鮮嫩多汁。兩款主菜都煮得恰到好處，味道真係一流，令人讚不絕口。而餐廳嘅環境非常寬敞，而且係對住海景。坐喺度，我可以睇到勁大片海，好relax。呢個環境真係好舒適，令我可以好享受呢度d野食。總括而言，呢間銅鑼灣嘅餐廳真係值得一試。前菜嘅沙律吧提供好多新鮮嘅選擇，主菜嘅T-bone同wellington更係令你流晒口水。