影片
更多
2021-10-26
79 浏览
Omakase廚師發板依家越來越流行， 好多人喺慶祝生日或者大節日都會選擇食Omakase 去慶祝。 雖然價錢偏貴， 但由於大廚都會選取最當造嘅食材，奉行不時不食嘅原則， 令食客食到最新鮮， 最優質的材料。日本人對食材嘅堅持，相信喺食過Omakase 之後，大家一定感受得到。之前好友生日， 就同咗佢去呢一間位於上環蘇杭街嘅精品酒店《 嘉賦酒店》2樓， 嘆一餐物有所值嘅日本盛宴。先嚟嘅係清新開胃嘅《凱撒沙律》，蔬菜新鮮，醬汁帶酸，醒胃。再來一客前菜三小碟：《醋漬秋葵》，鮮嫩嘅秋葵用咗鰹魚汁和醋調味， 剔除秋葵的青草味， 吃落爽口。《水雲醋物》， 係海裏面嘅藻類，帶有海水嘅鹹鮮，口感纖細柔軟。 《慢煮八爪魚》，口感軟熟，一咬即開，鮮甜美味。《鮮蟹肉蒸蛋》，日式蒸蛋滑溜不在講， 裏面加入咗大量松葉蟹腳， 令到鮮味倍增。 加上了唔同款式嘅海鮮， 比起一般食到嘅日式蒸蛋， 加添了一份海洋氣息。來到重頭戲，刺身項目。 鮮甜無比嘅《赤貝》， 豈能只用爽口來形容？ 赤貝肉質爽嫩， 海水氣息濃厚， 加上檸檬汁調味， 簡潔不來亦可品嘗到海水嘅鹹鮮。《左口魚》屬於油分高的魚類， 平時多數吃到火炙左口魚，薄切
日本人對食材嘅堅持，相信喺食過Omakase 之後，大家一定感受得到。
之前好友生日， 就同咗佢去呢一間位於上環蘇杭街嘅精品酒店《 嘉賦酒店》2樓， 嘆一餐物有所值嘅日本盛宴。
先嚟嘅係清新開胃嘅《凱撒沙律》，蔬菜新鮮，醬汁帶酸，醒胃。
再來一客前菜三小碟：《醋漬秋葵》，鮮嫩嘅秋葵用咗鰹魚汁和醋調味， 剔除秋葵的青草味， 吃落爽口。
《水雲醋物》， 係海裏面嘅藻類，帶有海水嘅鹹鮮，口感纖細柔軟。 《慢煮八爪魚》，口感軟熟，一咬即開，鮮甜美味。
《鮮蟹肉蒸蛋》，日式蒸蛋滑溜不在講， 裏面加入咗大量松葉蟹腳， 令到鮮味倍增。 加上了唔同款式嘅海鮮， 比起一般食到嘅日式蒸蛋， 加添了一份海洋氣息。
來到重頭戲，刺身項目。 鮮甜無比嘅《赤貝》， 豈能只用爽口來形容？ 赤貝肉質爽嫩， 海水氣息濃厚， 加上檸檬汁調味， 簡潔不來亦可品嘗到海水嘅鹹鮮。
《左口魚》屬於油分高的魚類， 平時多數吃到火炙左口魚，薄切方法好像是第一次。 加上酸汁的薄切左口魚刺身， 除了吃到油香之外， 還可以感受到左口魚的肉質。
《海膽魚子醬間八魚》， 單是看賣相已經感受到那份奢華。 間八魚肉質清爽， 配上味道濃郁嘅海膽， 以及高貴嘅魚子醬，頓時感受到那份高貴。
《日本「魚獅」魚》刺身，經過熟成七日後， 魚味更見濃郁，入口即溶，令人回味。
《慢煮鮑魚》，盡顯心機。 經過慢煮，肉質仍能保持軟熟， 而且入味非常。 下面配襯咗用醬油處理嘅米飯，飯糰加入咗多款配料，有臘腸粒，鮑魚肝醬以及鮑魚粒， 增添口感， 絕不比 慢煮鮑魚輸蝕。
《黑松露燒帶子》 ， 簡直令人一試難忘。 帶子刺身本來已經非常 鮮甜美味， 邊個大廚輕輕火炙之後， 提升了層次。 而且用上了黑松露， 鮮甜嘅帶子變得更加高貴。 用紫菜直接包裹來吃，大口咬下，簡直係奢華嘅感受。
另外仲有六款壽司，《真鯛壽司》加上柚子皮， 夠曬清新。
《活北寄貝壽司》鮮甜，海水味突出。
《毛蟹壽司》加咗蟹膏，蟹肉結實。
《醬油金目鯛壽司》， 肉質爽口，經過火炙，油份滲出嚟， 非常之美。
《野生吞拿魚腩壽司》， 一入口已經融化， 油脂徘徊在口腔， 久而不散。
《北海道利尻海膽壽司》， 口感唔算結實， 但勝在海膽味濃。
最後來一個《迷你海鮮丼》， 滿滿的吞拿魚腩蓉上面鋪滿咗醬油漬筋籽， 聞說筋籽是自家醃製， 味道偏甜，我鍾意。
最後來一客令人相當有驚喜的雪糕《栗子雪糕》， 栗子雪糕這款味道平時甚少吃都， 估唔到食落食完此令人難以忘懷， 口感冰冷， 卻帶有栗子蛋糕般的濃郁香氣， 食完一球仍然意猶未盡。
整體而言這一餐Omakase 的性價比相當之高，座位舒適， 地點方便， 慶祝節慶非常適合。
张贴
