地中海休閒餐廳 (已結業)

朋友介紹下，我第一次黎到浸大內餐廳，驚喜處處。雖然餐廳位於浸大，但位置較「對外」，近大街，唔洗係浸大Campus 內慢慢搵，地理位置都算便利。門口擺放著一張精美既海報推介多款特價牛排🥩，看起來幾吸引（最重要係低至6折😍😍）今次我點左威靈頓牛排（$388），真係諗唔到呢間餐廳都識煮wooo.. 係人都知..威靈頓牛係用酥皮包住黎烤焗，所以好考大廚掌握熟熱程度。呢道菜剛剛好五成熟，煮到半熟內嫩的威靈頓牛，真係不得不令人滿意。如果熟熱程度多一/兩成，呢個牛已經變成「橡膠」，一定令我食慾大減。