新蔡潤記魚旦粉麵 (已結業)

由小學時期已經幫趁，所以對呢間嘢係有點情意結，今日下午買咗個外賣魚旦拼炸魚皮鴛鴦，令人滿意就係今日嘅魚旦好彈牙，但喺呢間粉麵店嘅魚旦唔係日日都咁有水準，可能係喺啲魚嘅問題啦，曾經食過啲魚旦係林pat pat，好難食！而我最愛嘅就係炸魚皮，如果我去幫趁時見到炸魚皮賣光的話，我情願唔食，因為呢到嘅炸魚皮係自家製，唔同一般粉麵店嘅交嚟嘅炸魚皮，呢到係大大件，好好味！所以今日好滿意！講開服務就唔駛提啦，不嬲都係差架啦，環境唔係好，所以太家期望唔好咁高嘅服務同環境，所以我如非必要我都會外賣的！