影片
更多
2016-01-20
415 浏览
今日出開黃埔花園，又唔想食一式一樣既連鎖店，於是行多兩步過去紅磡覓食。行行下發現呢間蛋包飯店，寫住熔岩蛋包飯，依..熔岩蛋包飯？之前去日本都有試過呢種蛋包飯，於是咁就吸引左我入去！ 午餐既選擇都算多，我同朋友各點左唔同既蛋包飯：<吉列豬扒熔岩蛋包飯 HK$78> 飯上面既蛋外形飽滿，用刀輕輕一切，蛋漿慢慢流出，睇見都開心！雞蛋煮得滑溜，豬扒炸得好香脆，咖喱味道香甜而不辣，呢個午餐送埋野飲真係好抵，凍既柚子蜜都只係加$3.《手打漢堡扒熔岩蛋包飯 HK$78》 今次既蛋比上面哥個更流心，水準超卓。漢堡扒外層煎得香口，肉質扎實而肉味亦頗香濃，估唔到自家製都有番咁上下質素。蕃茄醬味道酸酸甜甜，我有個小小既建議係蕃茄醬可以加入飯中一齊炒，會令炒飯更香！ 食飽飽出黎既時候1點幾有幾個人等緊位，受歡迎程度比附近的餐廳高，值得一試！
今日出開黃埔花園，又唔想食一式一樣既連鎖店，於是行多兩步過去紅磡覓食。行行下發現呢間蛋包飯店，寫住熔岩蛋包飯，依..熔岩蛋包飯？之前去日本都有試過呢種蛋包飯，於是咁就吸引左我入去！
午餐既選擇都算多，我同朋友各點左唔同既蛋包飯：
<吉列豬扒熔岩蛋包飯 HK$78>
飯上面既蛋外形飽滿，用刀輕輕一切，蛋漿慢慢流出，睇見都開心！雞蛋煮得滑溜，豬扒炸得好香脆，咖喱味道香甜而不辣，呢個午餐送埋野飲真係好抵，凍既柚子蜜都只係加$3.
《手打漢堡扒熔岩蛋包飯 HK$78》
今次既蛋比上面哥個更流心，水準超卓。漢堡扒外層煎得香口，肉質扎實而肉味亦頗香濃，估唔到自家製都有番咁上下質素。蕃茄醬味道酸酸甜甜，我有個小小既建議係蕃茄醬可以加入飯中一齊炒，會令炒飯更香！
食飽飽出黎既時候1點幾有幾個人等緊位，受歡迎程度比附近的餐廳高，值得一試！
张贴
