金記冰室 (創紀之城五期(apm)) (已結業)

上次食完外賣之後，今次去另一間分店食堂食，睇下佢係唔係間間都咁好味 我先坐低叫餸，男朋友去左廁所，叫我叫定唔駛佢等。scan完佢個qr code點菜，到菜都上埋佢都未返到，碟餸香到我都唔想等佢，忍唔住要偷食。究竟係咩咁香呢，就係我上一次都有點嘅XO醬蝦球炒西蘭花，同埋豉香肉碎韭菜花粉絲煲。炒西蘭花無論係外賣定堂食都係咁正，蝦球爽口彈牙仲有xo醬嘅微辣。個煲又新鮮滾熱辣，除咗有韭菜花肉碎之外佢有好多種菇，粉絲同所有餸都吸晒d汁，撈白飯食無得輸。仲叫左地道霸王雞，隻雞好嫰滑，夾埋蔥花一齊食，啖啖肉，好味。呢個價錢有呢個質素，仲要快靚正，一定再黎。