Mizu (已結業)

難得早起同媽媽去開佐敦，可以輕鬆食個lunch。本來諗住去另一間cafe但已經排哂長龍，上網搵搵呢間cafe係附近，就試下啦！來到第一感覺係環境好舒服，餐廳裝潢簡潔自然，每個座位空間感十足，座位之間用綠色植物隔開，私密性十足。另外員工服務態度真係好好，戴住口罩都feel到佢地係笑住咁同你講野，仲會好細心留意到你有無特別需要，讚👍🏻食物方面因為我叫左最簡單ge all day breakfast 同沙律，真係無得話係咪特別好食，不過食材係新鮮同埋擺盤好靚。成間餐廳環境好令人放鬆，都無話要限定食幾耐，亦都無不停係你身走來走去引收碟又收杯呢d小動作。可以悠閑咁hea一下真係幾好。