美心MX (已結業)

 大家樂,大快活,美心呢3間快餐店,我覺得下午茶最好味,我一定會揀美心!!勝在好味!!!尤其我最愛吃的是不時轉款式的便當tea set 便當 $19.5(今次有用報紙的coupon減$2, 即$17.5)實在非常之抵呀~整份便當的賣相很不錯,今次有迷你西多士,烏冬一小碗,燒賣4粒,紅豆桂花糕及雜果沙律!!份量真係唔惹少的!:chopsticks: 烏冬附2片口感不錯的鳴門卷,湯底又幾清,食完唔怕口乾~:chopsticks: 迷你西多士其實並非mini,如平日吃的西多那麼大件,不過係半份的份量 花生醬很幼滑,真的很好吃!炸成金黃色,賣相good:chopsticks:燒賣4粒真的非常彈牙,爽口!食落口唔會成啖粉~有點兒魚肉味! 紅豆桂花糕:略為甜.. 很多紅豆粒~ 雜果沙律:以呢個價錢作為便當中的配菜,質素還可以的~記得之前去過大家樂便當tea set的烏冬,簡直係「難食到無言」,因為烏冬完全「發」晒…呢份便當屬必食之選呢!!價錢又非常之便宜,怪不得美心快餐在下午茶時段的人流如此多呢!!再配上1杯熱檸水,呢份tea.簡直令我非常滿足~