去咗一個月歐洲旅行, 餐餐都係食西餐, 非常懷念亞洲o既風味. 返工第一日lunch, 梗係要食返個湯面. 同事介紹公司附近一間日本嘢, 有面食!!
食咗個和牛加金菇牛肉卷拼清湯蕎麥面. 先來個前菜, 辣蘿蔔漬, 好醒胃. 飲啖白桃soda. 香港真係好, 咩都有得食. 個set 有一串和牛, 份量不少, 肥美多汁, 金菇牛肉卷睇落都幾大串, 表面燒得夠干身, 入面d金菇吸哂d牛肉汁, 好少可以做到咁. 到個清湯蕎麥面, 雖然見個湯都真係幾清下, 不過食完串燒食返個清湯幾舒服.
埋單時見到lunch 唔使收加一, 又好似著數咗. $128
