復興粥麵專家

营业中

休息中

Item: 復興粥麵專家
Rating: 0
Author: 北斗星曲奇

3.5

36 食记

味道

环境

服务

卫生

抵食

611

葵涌

$50以下

港式粉面/米线

北斗星曲奇

等级4

127

好耐冇食過鮮蝦雲吞喇！今晚細妹放工，特登去咗呢間店買咗一碗俾我，話係好嘢咁話！打開蓋，好靚！撈起一粒，脹卜卜，圓碌碌！咬落去，嘩！全部都係蝦，一啲肥豬肉都冇！爽口彈牙，新鮮味美，令我即時回想起細個時，肥媽帶我去荃灣一間叫「津味雲吞麵」嘅店食嘅脹卜卜鮮蝦雲吞！雖然呢間店嘅雲吞冇以前津味食到嘅咁巨型，但同樣算大粒，實在令我忍唔住一啖接一啖，一粒接一粒，好快全碗KO哂！唯一有少少地方值得改善嘅係啲湯比較油，拌碗生菜比較少，如果改善埋呢兩樣，呢碗雲吞，值4.5/5分！宜家就4.3/5分！衷心多謝細妹，成日請好嘢我食，令身心俱疲嘅我，肥膏越嚟越多！阿門～

好耐冇食過鮮蝦雲吞喇！今晚細妹放工，特登去咗呢間店買咗一碗俾我，話係好嘢咁話！

打開蓋，好靚！撈起一粒，脹卜卜，圓碌碌！咬落去，嘩！全部都係蝦，一啲肥豬肉都冇！爽口彈牙，新鮮味美，令我即時回想起細個時，肥媽帶我去荃灣一間叫「津味雲吞麵」嘅店食嘅脹卜卜鮮蝦雲吞！雖然呢間店嘅雲吞冇以前津味食到嘅咁巨型，但同樣算大粒，實在令我忍唔住一啖接一啖，一粒接一粒，好快全碗KO哂！

唯一有少少地方值得改善嘅係啲湯比較油，拌碗生菜比較少，如果改善埋呢兩樣，呢碗雲吞，值4.5/5分！宜家就4.3/5分！

衷心多謝細妹，成日請好嘢我食，令身心俱疲嘅我，肥膏越嚟越多！阿門～