花見日本料理 (已搬遷) 新店位置

店鋪採用時令及新鮮嘅材料製作食物，所以存在左好多menu上面冇嘅菜式😁，有魚鍋、汁煮魚頭、感覺好似日本家庭式嘅餐廳，食完感覺好溫暖呀！-汁煮吞拿魚目-隱藏菜式，醬汁同魚目膠質都好豐富😋，而且醬汁好香濃，用左醬油去熬製而成，味道偏甜；而佢嘅魚目，師傅仲幫你去哂骨，非常放心去食，而魚目大部分都係骨膠原，啖啖都係啫喱，味道鮮美，單食可能會好heavy，但配埋嘅飯就一流；而佢嘅飯係日本特別配製，食落粒粒分明😶，好有飯香，㗳落有甜味，即使撈埋醬汁一齊食，飯都唔會冧哂，仲食到飯香添！-特上刺物盛盒-上面有時令刺身 大口血引😝，食落好有魚鮮味，口感軟熟，另外仲有胣羅、三文魚腩、赤身、帶子、甜蝦等等，材料質素好高，食落鮮甜！-泡菜愛女魚鍋-魚非常香嫩😍，口感好滑，味道鮮甜；泡菜味道唔濃，味道清甜，入面仲有唔同嘅蔬菜，金菇、豆腐等等，菜式材料簡單，好似媽媽煮嘅餸菜，感覺好溫暖😳❤️。