黑門水產すいさん (棉登徑)

好懷念日本旅行嘅時候去過嘅居酒屋，今次係尖沙咀搵到依間就好想試下。裝修同傳統日式居酒屋一樣，橙黃色嘅燈光，加上木製嘅枱同隔板，好似返咗日本一樣。餐廳比較特別嘅地方係店員會喺你面前即場網燒食物，以下三種熟食都會即場製作。黑門令甲羅燒 $72餐廳特別嘅地方係有三種唔同嘅口味，分別係赤鬼明太子蟹味噌、黑門令蟹味噌、海膽蟹味噌。而今次就叫左黑門令蟹味噌香濃鮮甜，超出其他居酒屋嘅水平。蟹油蒜燒帆立貝 $78即場烤燒嘅帆立貝，充分吸收蔥同埋蒜蓉嘅味道，好有風味。黑門令龍蝦湯煮海鮮 $98龍蝦湯煮成嘅多款海鮮配搭以成，有蝦，螺，菇，芋絲，湯煮更加突出鮮味。黑門令大漁魚子醬脆脆包 $88包上面放滿魚子海膽三文魚子吞拿魚蓉甜蝦，淨係睇陣容已經好矜貴。刺身六盛$298分別有海膽、三文魚、油甘魚、帆立貝、吞拿魚。厚切令到口感更加豐富，驚喜嘅係佢哋嘅海膽係異常鮮美，十分推介。巨峰生啤 $68首先份量好中杯，其次有巨峰提子嘅味道，女仔飲都唔會覺得苦。玫瑰梅酒 $58有玫瑰味嘅梅酒真係第一次飲，呈粉紅色，味道好新奇。