影片
更多
2019-08-21
113 浏览
最近流行興食omakase，亦即係廚師發辦，由師傅特地挑選時令嘅魚生，設計成別出心裁嘅一餐。由於omakase嘅價錢一般都唔平，我都係係啲大時大節特別日子先捨得食，今次同好朋友慶生，就去試下呢間都幾多人推薦嘅鮨蕾。餐廳嘅環境非常舒適乾淨，夜晚仲可以望到維港夜景，望住呢個景食野都覺得特別好食。我地一坐低，店員就比左熱毛巾我地抹手，服務態度非常好！點完餐後，師傅就整左個前菜比我地食，分別係蕃薯脆片同埋熊本蕃茄。我特別鍾意個熊本蕃茄，食落非常清甜，一啲都唔酸，相當開胃。之後就有3款唔同嘅刺身，由淡味嘅立魚開始食起，肉質較爽口，甘甜。北海道海膽亦非常新鮮，食落鮮甜冇怪味，同肥美嘅大拖羅簡直係perfect match!之後嘅熱食就係燒吞拿魚腦天，亦即係吞拿魚頭頂嘅肉，師傅話呢份腦天用柚子汁醃左成晚，去除左魚腥味，增加左清新嘅口感。燒腦天入口非常嫩滑，一啲都唔腥，反而鮮味十足，非常好食。之後就去到好多款唔同嘅壽司，每款都係由師傅即整即食，非常好食！我就特別鍾意時令嘅石垣貝，據說每年只有2個月時間有得食，食落鮮甜爽口，令人回味無窮。熟成拖羅亦都令人非常驚喜，呢款壽司顧明思義係將拖羅稍稍燒熟，食落好
餐廳嘅環境非常舒適乾淨，夜晚仲可以望到維港夜景，望住呢個景食野都覺得特別好食。
我地一坐低，店員就比左熱毛巾我地抹手，服務態度非常好！
點完餐後，師傅就整左個前菜比我地食，分別係蕃薯脆片同埋熊本蕃茄。我特別鍾意個熊本蕃茄，食落非常清甜，一啲都唔酸，相當開胃。
之後就有3款唔同嘅刺身，由淡味嘅立魚開始食起，肉質較爽口，甘甜。北海道海膽亦非常新鮮，食落鮮甜冇怪味，同肥美嘅大拖羅簡直係perfect match!
之後嘅熱食就係燒吞拿魚腦天，亦即係吞拿魚頭頂嘅肉，師傅話呢份腦天用柚子汁醃左成晚，去除左魚腥味，增加左清新嘅口感。燒腦天入口非常嫩滑，一啲都唔腥，反而鮮味十足，非常好食。
之後就去到好多款唔同嘅壽司，每款都係由師傅即整即食，非常好食！我就特別鍾意時令嘅石垣貝，據說每年只有2個月時間有得食，食落鮮甜爽口，令人回味無窮。
熟成拖羅亦都令人非常驚喜，呢款壽司顧明思義係將拖羅稍稍燒熟，食落好似食緊和牛咁，入口即溶。
最後作為甜點嘅日本蜜瓜亦非常好食，清甜香口，為呢餐畫上完滿嘅句號。
最後店員同我地講只要下載佢地嘅app, 就可以有95折優惠，咁抵，我地當然要下載喇，推薦大家都可以下載定先去食。
张贴
