影片
更多
2011-09-26
36 浏览
今日係我同老公的結婚紀念日, 諗住食好D, 就揀左好多好多好評的快船廊.我地由於好鍾意食自助餐的, 所以都試過好多唔同酒店的buffet, 儘管文華的Buffet有1XX個好評咁多, 但係我地對呢晚的buffet真係好失望.失望的原因:款式好少 - 呢喥冇提供cold cut, 冇印度食品, 冇即炒意粉, 冇粉麵檔, 冇點心, 冇雪糕, 冇pancake生蠔味道一般 - 呢喥生蠔雖然提供2款, 是晚有new zealand 同USA, new zealand的生蠔味道單調, 只得咸味, 不creamy, 沒有太多金屬味, 沒有太多after-taste, 不太鮮甜, 不過我唔排除有客人會鍾意呢種生蠔. 另外USA的, 只係得個"爽"字, 都是沒有什麼層次的. 魚生: 魚生款式都OK, 不過切功不太好, 一味得個"厚"字, 係過份的厚, 令到點醬油時的比例根本唔啱.冷海鮮: 冷海鮮全晚好不容易先攞到4條長腳蟹, 添加得不快, 我估好多人都食唔到. D 沙白又俾人夾晒D肉, 得番個殼, 好慘...熱葷: 種類真的很少.... 我果晚見到.. 揚州炒飯, 干燒E麵, 麻婆豆付, 清炒西蘭花,
我地由於好鍾意食自助餐的, 所以都試過好多唔同酒店的buffet, 儘管文華的Buffet有1XX個好評咁多, 但係我地對呢晚的buffet真係好失望.
失望的原因:
款式好少 - 呢喥冇提供cold cut, 冇印度食品, 冇即炒意粉, 冇粉麵檔, 冇點心, 冇雪糕, 冇pancake
生蠔味道一般 - 呢喥生蠔雖然提供2款, 是晚有new zealand 同USA, new zealand的生蠔味道單調, 只得咸味, 不creamy, 沒有太多金屬味, 沒有太多after-taste, 不太鮮甜, 不過我唔排除有客人會鍾意呢種生蠔. 另外USA的, 只係得個"爽"字, 都是沒有什麼層次的.
魚生: 魚生款式都OK, 不過切功不太好, 一味得個"厚"字, 係過份的厚, 令到點醬油時的比例根本唔啱.
冷海鮮: 冷海鮮全晚好不容易先攞到4條長腳蟹, 添加得不快, 我估好多人都食唔到. D 沙白又俾人夾晒D肉, 得番個殼, 好慘...
熱葷: 種類真的很少.... 我果晚見到.. 揚州炒飯, 干燒E麵, 麻婆豆付, 清炒西蘭花, 燒羊肉, 青咖哩蝦, 焗薯仔, 咕嚕肉... 想不起了.
甜品: 一D十分大路的甜品竟然冇, 例如雪糕及pancake...
地方很小: buffet枱的空間好小, 人山人海, 所以連帶種類都很少.
總括而言: 雖然文華比其他同grade的酒店收平了, 但係以食物種類及環境, 我不認為值得光顧, 除非你只係想找一個地方傾下計, 而不是為了食. 如果是為了食的話, 就不要揀文華了~
张贴