榮園麵家 (已結業)

今日下午我們去咗旺角奶路臣街嘅「榮園麵家」食下午茶！我們叫咗雲吞麵、魚蛋粗麵同墨魚丸牛丸米粉！雲吞麵嘅雲吞皮都幾薄身，但餡料就豬肉多過蝦肉，而且肉質相當粗「嚡」！魚蛋粗麵嘅魚片同魚蛋係極之腍身，一啲都唔爽口彈牙，肉質亦都唔新鮮，食落有啲霉嘅感覺！墨魚丸牛丸米粉嘅墨魚丸又係極之腍身，食落嘅感覺好似「空心」咁，一啲都唔爽滑彈牙，牛丸都幾爽口彈牙，但味道就比較「騷」！幼麵同粗麵嘅麵質都係非常腍身，完全唔爽韌彈牙！