榮園麵家 (已結業)

晏晝食咗太多零食，攪到今晚好夜先食飯，太夜又唔想食咁多，簡簡單單食碗麵就最好喇。經過旺角記起呢間路邊小檔，平日都大排長龍，今晚可能太夜唔駛排隊咁就呢間啦。其實榮園之前我都嚟過，印象最深係佢嘅牛丸同牛腩，周不時經過都同男朋友推介。今日我就嗌咗雙丸河，男朋友就食牛腩河。先講男朋友嘅牛腩河，湯底味濃，牛腩同河粉都一般。而我嘅雙丸河，魚蛋彈牙，反而我最期待嘅牛丸就好差，同以前食嘅已經係兩回事。不過辣椒油係加分嘅，夠香夠辣👍🏻…查看更多

經過「榮園」好多次，每次都係約左朋友食好西，難得今日想簡簡單單食個麵，就黎試一試。店舖係條窄巷，冇咩特別裝修，睇落似8-90年代😌環境坐位不太好，就是要吃懷舊🤣選擇不多，牛腩、淨牛丸、雲吞等...叫左碗牛腩牛丸河，湯底濃郁，河粉幼身，滑滑的。可惜牛腩方面，甘岩俾太瘦既部位我😖有點o鞋，但非常入味。牛丸也不錯，牛味濃郁，彈牙。👍🏼本想多叫一碟油菜，但只有西生菜一款，唔岩口味😆價錢旺角黎講算便宜吧！$38蚊！想簡單快速食碗麵也是不錯的選擇…查看更多

還記得讀中學的時候，每逢星期六、日都會約朋友去旺角網吧打機，打機前或後，都會去榮樂麵家吃個飽飽，十多二十年後的今日，再去這麵檔，點的都是相同的食物－牛根魚片河。味道方面，柱侯腩汁依然是濃郁，簡直令人有種想連湯都飲的衝動，牛根炆得相當夠時間，十分軟腍，連無牙的老人都可以咀嚼，魚片亦相當彈牙。不過，價錢漲了不少，一碗麵雙拼賣三十八元，熱飲加八元，凍飲加十元，埋單落樓合共四十八元，吃一碗粉麵來說，價錢好像有點貴。…查看更多

今晚阿肥話想食粉麵,我問佢去邊間好(?!)佢就話旺角呢度附近有間噏耷舖頭要匿埋喺後巷到食,其實佢一講我都知道係邊間因為我好似有細到大都見到呢間鋪頭嘅存在,只不過係一直以來從來都未試過,咁我就話：「好丫去丫」店舖嘅外觀就肯定係一啲都唔討好㗎喇,招牌又甩晒地方又殘舊,但係呢一切都係香港人辛苦多年經營嘅印記,呢種老情懷亦都愈嚟愈難見......畢竟社會日日都不停咁進步,真係有得試就好試喇。呢度連拎得起手嘅餐牌都欠奉,亦都冇中英對照,只係一塊傳統舊式嘅膠招牌同埋相片搭夠,基本上連個人都未坐低鋪頭嘅阿哥阿姐已經問你要食乜我就叫咗個魚蛋雲吞河粉($38蚊),呢啲傳統麵食通常都係即叫即上,非常快手。河粉白淨幼身,魚蛋白𠽌𠽌,三粒雲吞本身沉底要撈上嚟先見到,湯底本身又好清,成碗野就好似好乾淨咁唔好以為佢哋冇味呀其實個湯清得嚟都會有小小味道,河粉滑溜唔容易斷,可以食到髓髓聲~魚蛋有五粒真心已經算夠多,同埋佢白滑彈牙嘅口感真係好食,平常唔太好鮮蝦雲吞嘅我,覺得呢間店舖嘅雲吞都醃得幾好味,豬肉同蝦肉分明,唔會過咸,冇乜味精。兩樣嘢分別咬開之後都忍唔住影返張相俾大家睇吓阿肥就食咗個牛丸雲吞麵($38蚊),係佢帶我嚟食嘅佢就梗係話正啦…查看更多

成日出街食飯，真係唔知食咩好！我就好鍾意食啲up up dum dum餐廳！因為果個味道真係唔係到到都比到您！呢間我自己成日去食既麵店！係舊啲！但佢夠平夠快！又唔錯！一落單唔夠2分鐘就到啦！真係好快！睇相啦！…查看更多

熱鬧的旺角奶路臣街裡有條窄巷，裏面藏著一間有點歷史的粉面店。有時lunchtime要去辦事/有野買，就會想起這間小店，無他，勝在可以速戰速決。衛生/環境確實不太好，勉強可稱為舊香港排檔式風味。-店裏只有4個選擇，牛丸/牛腩/雲吞/魚蛋。我不愛牛丸，所以往往按當日胃口是三選二，選擇困難症終於不用發作。-今次選的是魚蛋牛腩面。魚蛋4粒，淡淡的魚味，不錯。牛腩牛根很入味，燜得較爛。最可以改善的是份量，一般人應該吃不飽。而我，卻很滿意，因為少，所以極快食完，有時間去辦我的事。…查看更多

這間麵店在我的童年回憶裡已經存在，時至今日人流依然強勁，每次路過即使沒有人龍也近乎滿座，更厲害是店子只賣四種粉麵──牛腩、牛丸、魚蛋、雲吞，在這個追求多樣化的城市裡，這種存在可算是別具一格。單拼$34，雙拼$38，乍看$34單拼有點貴，但是牛腩河不是單給牛腩，還自帶牛筋，有些麵店會給這種組合算上雙拼價錢，但是這裡依然收取單拼價錢，而且牛腩牛筋也給不少，所以收費尚算可以接受。然而麵條的份量偏少，單吃這個大概只到六七分飽，飯後我必須找個飲料或是小吃補足。這裡的腩汁是我目前吃過最濃郁的，清湯裡加了它立刻香濃十倍，但是河粉易碎，很多都斷掉了，得用匙子輔助着吃，口感不見出色。既然腩汁味道濃郁，牛腩牛筋當然入味，吃過很多次未見失手，牛腩肉質軟腍，運氣若好還會吃到入口快要化掉的境界。牛筋不是散碎的，是很完整的一大件，口感又軟又滑，仍留有一點軟膠的嚼勁，能享受近似肥肉的口感，卻不用承受高脂坊。此外，這裡的辣椒油的辣勁不弱，一小匙足以把辣度提上來，可惜欠咸香，要是調製的時候多放把鹽大概會生色不少。每次來這裡都忍不住要點牛腩，曾經捨棄牛腩點了一次雲吞，但是水準不達標，因此再沒點過牛腩以外的食物，但是這天坐在身旁的食客大讚魚蛋爽口，搞得我也很想試試看，也許下次轉個口味，順道把這間店的所有食物都評一下，反正只餘下三種可以寫。這家店的位置在窄巷裡，衛生情況確實差勁，我這天純粹因為不方便外帶回吃才選擇堂食，期間小蚊子不斷飛來飛去，還有一隻不小心落到我的湯裡死掉......經過這次親眼目睹小蚊子死在碗裡，不能外帶回家吃的時候就不來吃了。另外這家麵店的員工都是不帶服務性行業的自覺，所以不要寄望他會為你服務，他沒有給你說句難聽的就不錯了，所以這裡不適合對環境服務有一點要求的人。…查看更多

身處於旺角波鞋街附近一個後巷嘅榮園, 開始咗好多年, 出名, 但係一次都未食過, 現成為自由行嘅必去地點, 心血來潮之下, 就午餐時叫左碗麵, 大概三十幾蚊一碗, 牛丸麵, 佢嘅牛丸有點似爆漿瀨尿牛丸呀, 非常之彈牙, 大口咬落去, 爆曬D汁! 麵底就比較一般, 唔算係有特別, 畀其他舖頭略遜一籌…查看更多

所謂隱世小店一般都跟店舖的地理位置有關，又或者其裝潢甚為低調，沒有聲色奪目、鋪天蓋地的宣傳，容易被人錯過。同時，它身上又好像帶著一陣揮之不去的芬香，讓它與她與他總有相遇的一刻。天氣寒冷，想食熱嘢。經過地鐵站E出口，沿途有價格不升反跌的韓燒，想起昨天之餘，暗暗嘆息。榮園坐落旺角鬧市之中，以往未曾留意，但今夜卻是對它充滿好奇。馬路與馬路之間，地舖之中除了夾雜了開天殺價的小食店外，論餐廳食店就好像只得榮園。牆上把餐廳的所有都寫了出來，傳統港式粉麵店賣的是牛腩、魚蛋、魚片、牛丸、雲吞。落單時，店舖呀姐甚為醒目，好像對我們這類食客司空見慣，在短暫猶疑之際，間接為我們決定了牛腩河、淨牛丸、雲吞。牛腩河湯底極濃，與幼身河粉甚匹配。牛腩方面，牛肉味極濃，一碗湯粉配上5件牛腩部分，牛筋、牛腩一併奉上。這仿佛解釋了遊客佔店內一半食客的因由，畢竟要一嘗香港風味牛腩，這是上佳的選擇，教人全面掌握傳統港式牛腩河是甚麼一回事。牛丸、雲吞方面，濃郁的牛味可以在咀嚼牛丸時嗅出，並保持彈力質感。雲吞是驚喜，儘管沒有做到「大大粒」，卻因為蝦、肉比例平均，做到皮薄餡靚的效果。油菜只有生菜一款，可選配腩汁或蠔油，味道正常。最後追加魚蛋、魚片。小編覺得味道不錯，但跟店內的牛腩、牛丸、雲吞比較，則難免屈居第二。能夠紮根在喧鬧大街，不依從巧立名目的遊戲規則，自有其站得住腳的生存之道。…查看更多

原本打算旺角掃街作晚餐結果走過波鞋街的時候遇見.....「它」懷舊的老麵家在地產霸權下這些老店真的買少見少難得遇到當然要一試支持支持一下♥️在侍應熱情的招待下安排入座餐牌都貼在牆上簡單的相片沒有美圖秀秀下「理想」與「現實」圖可以說沒有差別👍🏻這就是老店的優點-老實♥️我們點了魚片米、牛腩米跟油菜(配蠔油)魚片米(腩汁底) $32十分足料足足有8片魚片😱👍🏻魚片沒有一點魚鯹味♥️牛腩米 $32同樣十分足料👍🏻有5大塊牛腩我偷偷試了一塊牛腩🙈十分淋喔😋…查看更多

成日經過見到好似都唔錯咁， 一直都冇幫襯過， 今次第一次試下買個外賣返去食。 點知個落order既男人態度超級差，叫左個麵之後先見到有其他餸， 就問一句可唔可以加餸， 點知佢好似唔想做生意咁用d好衰既聲閙， 明明岩岩先叫仲整緊， 錢都未找，加多個餸都唔使咁既態度呀! 仲要話唔希罕做生意~咁既態度就幾好食都冇用!好少寫食評既我都忍唔住要俾返個劣評。極力不推介…查看更多

由細食到大, 一直都鍾愛呢度嘅味道, 總會黎完又黎~仲會帶唔同嘅朋友過黎試呢個地道味道~ XD雖然人大咗 對食肆環境要求都相應提高咗~但對呢度總有情意結~呢度表面上唔算平, 不過 味道 ok 呀;而且 開嘅時間長 位置又方便, 所以計番又 ok 嘅~依家好方便喎, 按圖叫面~方便啲遊客, nice 丫!簡簡單單, 次次都係叫 牛丸 同 魚蛋面~野飲自備就 ok, 呢度無得賣 係佢地多年黎嘅堅持~  明明嘢飲係賺嘅好來源, 佢地好可愛!辣椒油 夠香夠辣, 人大咗 仲鍾意加埋小小醋, 更添風味層次~牛丸彈牙夠肉味~魚蛋同樣魚味 Q彈~我 2樣都係咁鍾意!面就 arm arm 好, 份量我又剛好夠食, 唔錯呀~btw, 有時見人話佢地惡 / 無服務, 我又真心唔覺喎!!!咁多年佢地都好 nice 呀, 只係心直, 一心想做好件事而已~…查看更多

因為老公係河粉的忠實fans，所以陪佢食過好多次呢間麵家。以前態度都唔好，不過唔洗我order嘢食我都唔care。最近兩次我自己去買魚蛋河拎走，兩次個男人態度都極差，差到我忍唔住第一次寫劣評！第一次有人排緊隊，我因為係等外賣唔想阻住d人，就行埋一邊，點知個男人大大聲閙我，反而叫我企埋條人龍度。期間有遊客應該第一次嚟，問個男人點order嘢食，佢又好鬼惡鬧人，吓到人哋矇咗。諗下我自己去其他地方旅行，人生路不熟問人好正常，咁俾人閙肯定嬲爆！今日再去，已冇人排隊，又係買魚蛋河拎走，一時唔記得加腩汁點講，就描述咗兩句，又俾佢勁串。你一碗河粉咁細碗賣咁貴都算，咁嘅服務態度絕對唔會再嚟亦都唔會介紹朋友嚟！！…查看更多

原本想去新鋪既, 可以太夜, 去到已經收緊檔拿拿臨去舊檔, 位置係大街與小巷之間, 好彩未收, 仲見好多人排隊人流雖然多, 不過去得快, 要有耐性排隊叫左碗魚蛋河, 會有齊魚蛋魚片, 份量多, 蓋滿見唔到底下既河粉魚蛋鮮味, 夠香滑, 食到少少魚骨, 不過同朋友一致認為魚蛋質感太淋魚片都好鮮味, 口感比魚蛋好少少不過價錢黎講, 算係不錯另一碗要左牛腩撈麵, 用蠔油撈麵質爽口, 不過咁啱我地個碟牛腩都幾肥另外辣油都好辣好正…查看更多

$30魚蛋河簡單麵食，湯底淡，我需要落豉油。河粉麵質唔算特別驚艷。但魚蛋算多，丸狀及形狀嘅都有。其實無分別，不過賣相會好睇啲。魚蛋唔算好彈力嗰種，但係爽嘅，亦唔腥。而且丸自己本身都有胡椒粉調味，我諗係算係比較raw。片嘅吸湯能力唔錯，所以食落爆嘅汁，又會帶出魚片味。…查看更多