賞島咖啡屋

营业中

休息中

前排約左朋友出嚟食飯，揀左呢間cafe小店，因附近鋪頭好早關門，cafe門口吾太顯眼，但入到去既感覺好似去左韓國既小型cafe，周圍放左啲擺設，令人覺得幾舒適。Strawberry Yakult $48一上枱已經深深被吸引，杯既形狀好得意，士多啤梨加益力多，飲落吾會似藥水味，酸酸甜甜夠開胃，最上面有幾粒紫色既野，初時以為系蒟蒻，原來系冰，幾有創意！Sesame Latte $48芝麻latte凍飲味道都好濃，芝麻味幾香！旁邊仲有個木製扶手，拎住個杯吾會整濕隻手，幾貼心既做法。香脆雞翼 $58炸雞翼有5隻，大隻多肉，炸得好鬆脆，肉質juicy又滑。明太子櫻花蝦意粉 $128擺盤好靚，貌相好吸引！意粉上有好多蟹籽同明太子，旁邊放左巨量櫻花蝦既忌廉汁同紫菜，撈勻之後食會食到啖啖蟹籽同櫻花蝦，個人推介！咖啡燒汁烤豬仔髀 $128豬仔髀睇落去成條黑色，但其實系用左咖啡粉去烤焗，食落只有好微微既咖啡味，豬仔髀比想像中多肉，成條拎住食夠滋味。佢仲有薯蓉、大啡菇同沙律菜，大啡菇好juicy。