聚聚 (已結業)

每次經過都見到呢間「聚聚」都好多人等位，睇到門外餐牌主要有好多特色中菜好吸引，就攞票等位👍入座後用QR Code落單快捷方便！焦糖菠蘿咕嚕肉賣相好吸引，新鮮菠蘿🍍咬落涼浸浸鮮甜多汁，咕嚕肉粉漿不會太厚，外皮香脆可口，酸甜度適中，整體𣎴錯👍眼前一亮煙燻雞雞肉入口有好香既煙燻味道，雞既骨好少啖啖肉，雞皮好滑，肉質好淋好入味😋乾煸肉鬆四季豆炒得好有鑊氣，四季豆同豬肉比例剛好，鹹鹹香香配白飯一流😋嚐聚酸菜魚酸辣度適中，魚肉好薄好鮮嫩，湯底微辣帶點鮮甜，好好飲👍椰皇蛋白燉杞香桃膠需時二十分鐘即叫即整，熱辣辣香噴噴，充滿椰子清香，蛋白好滑，每一啖都食到桃膠，可以養顏又補身🤤