釜之魂釜飯專門店 (淘大商場) (已結業)

收工後同朋友係淘大揾好野食，我們都好鐘意食鰻魚，見到鰻魚同釜飯係呢間餐廳主打，一於揀佢~我地點左(金魂)極同(金魂)特的蒲燒鰻魚釜飯，升級埋套餐，有前菜，不過味道偏酸，麵豉湯及飲品~佢其實除左釜飯，仲有沙津，小食，甜食等選擇~鰻魚釜飯黎啦，鰻魚有手掌咁大條，望起來好肥美，上面撒有芝麻粒，淋上鰻魚汁，賣相已經好誘人，食落極比特的鰻魚更油脂豐富同甘香，肉質好滑溜，仲啖啖肉，食唔到有細骨，配菜有蛋絲，荷蘭豆，冬菇等，配上濃郁的鰻魚汁，真係夠哂入味，用來拌飯一流，如果覺得唔夠鰻魚汁，仲可以免費添加，超讚~呢個釜飯好特別，加入左薏米，口感好煙韌，我朋友話食到煲底最後的飯，仲會有飯焦香，呢個釜飯份量真係十足，食完已經好飽，下次先再試其他小食~