影片
更多
2018-10-28
84 浏览
好耐都冇食過真正嘅手握壽司，有師傅即係你面前整，近排就係尖沙咀食到一間都頗為高質嘅壽司店。店內主打Omakase 廚師發辦，大約$380就可以食到10貫廚師發辦，我覺得都算係合理價，不過我都係食返一件件落單個種😂店內主要係自助形式，茶都係分綠茶同玄米茶兩款，而寫好紙仔就可以俾師傅～Round 1鰻魚壽司 穴子壽司鰻魚同穴子雖然似，但兩個質感好唔同，呢度嘅鰻魚燒到口入即融而且富油香，穴子就口感實在啲，肉質化開後食到綿密嘅口感～重要個飯有少少溫度，一級棒！蔥吞拿魚腩軍艦吞拿魚夠晒凍，一擺入口啲油脂就好似冰咁融晒係口度呀～～海膽手卷飯同料嘅比例幾乎係一比一咁滯，海鮮鮮甜味味美，完全無甘味同苦澀味呀！Round 2灸三文魚腩壽司好好食！好好食！好好食！特別係當你食慣其他三文魚時，食返呢個發現原來三文魚係咁香咁好味好重魚味架！昆布漬金木鯛配柚子酢壽司金木鯛之前試過一次刺身之後即刻愛上，魚質非常爽口，加上柚子啫哩就更加清新！灸吞拿魚腩壽司三文魚腩係我嘅no.1 吞拿魚腩就係no.2啦！又係入口即融，但個陣香味就係口入面揮之不去Round 3食咗兩round仲未夠喉，見到有日日轉款嘅精選壽司，於是又
好耐都冇食過真正嘅手握壽司，有師傅即係你面前整，近排就係尖沙咀食到一間都頗為高質嘅壽司店。
店內主打Omakase 廚師發辦，大約$380就可以食到10貫廚師發辦，我覺得都算係合理價，不過我都係食返一件件落單個種😂
店內主要係自助形式，茶都係分綠茶同玄米茶兩款，而寫好紙仔就可以俾師傅～
Round 1
鰻魚壽司 穴子壽司
鰻魚同穴子雖然似，但兩個質感好唔同，呢度嘅鰻魚燒到口入即融而且富油香，穴子就口感實在啲，肉質化開後食到綿密嘅口感～重要個飯有少少溫度，一級棒！
蔥吞拿魚腩軍艦
吞拿魚夠晒凍，一擺入口啲油脂就好似冰咁融晒係口度呀～～
海膽手卷
飯同料嘅比例幾乎係一比一咁滯，海鮮鮮甜味味美，完全無甘味同苦澀味呀！
Round 2
灸三文魚腩壽司
好好食！好好食！好好食！特別係當你食慣其他三文魚時，食返呢個發現原來三文魚係咁香咁好味好重魚味架！
昆布漬金木鯛配柚子酢壽司
金木鯛之前試過一次刺身之後即刻愛上，魚質非常爽口，加上柚子啫哩就更加清新！
灸吞拿魚腩壽司
三文魚腩係我嘅no.1 吞拿魚腩就係no.2啦！
又係入口即融，但個陣香味就係口入面揮之不去
Round 3
食咗兩round仲未夠喉，見到有日日轉款嘅精選壽司，於是又來多round，繼續！！
新鮮秋刀魚
我特別鍾意食秋刀魚嘅刺身，勁重魚味而且一定要新鮮先好吃，無腥味。呢舊壽司就可以滿足到我啦
日式焦糖玉子
最後當甜品食個玉子燒，表面燒焦的焦糖，中間係冰凍嘅玉子，兩種溫感交替，好有創意同特色。
整體黎講，壽司質素我都好滿意，對得住個價錢吧，比起平時食日本野就高價一點，但係偶爾食一餐好嘅壽司係值得嘅😂
张贴
