影片
更多
2017-12-17
129 浏览
工作上嘅前輩要退休了, 當然要搵一間信得過有質素嘅餐廳, 請佢食餐好嘅!! 有朋友拍心口推薦呢間新開嘅日式餐廳, 所以決定試試佢!!!一入門口, 有包廂, 有吧枱, 仲有一間日式大房, 坐榻榻咪嘅, 真係好似去左日本咁! (P.S. 要日式大房要除鞋架。)仲有好多好精緻好靚嘅酒杯仔!!朋友千叮萬囑要試鱈魚白子, 所以不好內臟嘅我都大膽一試! 鱈魚白子非常爽口, 配合微咸帶甜的醬油, 非常開胃!後來幫忙收碟嘅店員, 佢詳細介紹咩係鱈魚白子, 白子係鱈魚嘅精囊, 大師傅要反覆清潔同處理, 難怪食落完全唔腥, 好味!!前菜仲有另外一款, 係香濃嘅麵豉醬, 配爽口青瓜, 非常開胃嘅組合, 可惜太心急食左, 唔記得影!!刺身拼盤非常新鮮, 左口魚十分爽口, 配埋佢嘅特製醬汁, 酸酸地, 好正呀!! 拖羅肥美無筋, 入口啲魚油好香, 好好味!!! 而牡丹蝦大大隻, 鮮甜爽彈, 啖啖肉! 前輩對於刺身拼盤俾個!!!日本真蠔刺身, 蠔肉鮮甜飽滿, 即使唔落青檸汁都無問題! 因為佢嘅蝦實在太大, 太好味, 所以我地再點左鐵板燒海蝦。燒過嘅海蝦無咗滑溜溜嘅口感, 有好彈牙嘅口感, 好味!天婦羅做得正宗,
一入門口, 有包廂, 有吧枱, 仲有一間日式大房, 坐榻榻咪嘅, 真係好似去左日本咁! (P.S. 要日式大房要除鞋架。)
仲有好多好精緻好靚嘅酒杯仔!!
朋友千叮萬囑要試鱈魚白子, 所以不好內臟嘅我都大膽一試! 鱈魚白子非常爽口, 配合微咸帶甜的醬油, 非常開胃!
後來幫忙收碟嘅店員, 佢詳細介紹咩係鱈魚白子, 白子係鱈魚嘅精囊, 大師傅要反覆清潔同處理, 難怪食落完全唔腥, 好味!!
前菜仲有另外一款, 係香濃嘅麵豉醬, 配爽口青瓜, 非常開胃嘅組合, 可惜太心急食左, 唔記得影!!
刺身拼盤非常新鮮, 左口魚十分爽口, 配埋佢嘅特製醬汁, 酸酸地, 好正呀!! 拖羅肥美無筋, 入口啲魚油好香, 好好味!!! 而牡丹蝦大大隻, 鮮甜爽彈, 啖啖肉! 前輩對於刺身拼盤俾個!!!
日本真蠔刺身, 蠔肉鮮甜飽滿, 即使唔落青檸汁都無問題!
因為佢嘅蝦實在太大, 太好味, 所以我地再點左鐵板燒海蝦。燒過嘅海蝦無咗滑溜溜嘅口感, 有好彈牙嘅口感, 好味!
天婦羅做得正宗, 有日本風味, 店員表示可以用蘿白蓉加入醬汁解油膩, 還不錯。
前輩話鵝肝好正, 正到有想喊嘅感動!! 外脆內嫩, 煎得非常香口, 一咬落去鵝肝油滲出黎嘅香味真係一流, 配埋甜甜地嘅醬汁減膩, 無法抗拒的味道!
明明已經好飽, 店員小姐推介食埋個招牌魚湯烏冬, 佢表示, 好多客人就算飽都會叫黎食。因為呢度嘅食物水準真係太好, 所以最後為食嘅我倆都係叫左招牌魚湯烏冬。
店員小姐的確係無介紹錯, 單單睇魚湯嘅顏色, 奶白色嘅湯底已經代表一齊!! 魚湯好濃郁, 好足料, 完全無腥味, 飲完成個喉嚨都好潤, 好舒服。 大廚真利害!!! 招牌魚湯烏冬為今晚晚餐畫上一個完滿嘅句號!!
甜品有自選雪糕, 甜品胃開動, 輕輕鬆鬆搞掂。
前輩表示今晚日本餐超正, 好好味, 會帶自己老公黎食多次。哈哈, 前輩食到lam lam脷, 環境又坐得舒服, 總算能夠好好感謝前輩。
值得一提嘅係餐廳嘅服務, 店員會主動介紹菜式, 煮法同食法, 真誠的與客人交流, 送客送到𨋢位, 真係有日本餐廳的熱情, 抵讚!!!
张贴
