影片
更多
2021-01-13
11 浏览
香港嘅冬天好耐未試過咁凍喇！得嗰7-8度，加埋咁大風，真係凍到我著住羽絨都仲覺得凍❄️凍冰冰除咗打邊爐之外，朋友提議我話可以去Steak Bar試吓爐燒吉列牛扒🥩吉列豬扒我就食得多，吉列牛扒就真係未試過。朋友話有好介紹，我就立即贊成。一入到餐廳，店員就好細心咁問我要唔要口罩套。當我坐低之後仲即刻俾咗杯熱茶我，可能見到我凍到面青青🥶餐廳主打係steak🥩, 而且我哋一心都係諗住要食吉列牛扒。所以雖然見到隔離枱叫咗雞扒同鯖魚套餐好吸引咁，但係我哋都叫咗兩份牛扒定食。➡️吉列炸牛扒定食 （$188）原來炸牛扒唔係好似炸豬扒咁炸到全熟。塊牛扒只係上咗脆漿，輕輕咁炸過，入面仲係9成生。我哋可以用個小火爐，放牛扒上去燒，煮到自己鍾意嘅生熟程度。小火爐上面仲有一片牛油。用牛油嚟燒塊牛扒真係香味四溢。牛扒入口好外皮酥脆，但係入面D肉仲好軟嫩juicy! 真係好好味，朋友無介紹錯！ 如果沾埋個燒汁，味道更加豐富😋➡️板腱牛扒定食 （$158）板腱牛係每日限量供應，我哋好彩去到仲未賣晒。店員話板腱係牛嘅膊頭位置，唔會咁多油脂，肉味相對較濃。我哋叫咗medium, 不過嚟到好似medium rare 多啲。不過我
凍冰冰除咗打邊爐之外，朋友提議我話可以去Steak Bar試吓爐燒吉列牛扒🥩吉列豬扒我就食得多，吉列牛扒就真係未試過。朋友話有好介紹，我就立即贊成。
一入到餐廳，店員就好細心咁問我要唔要口罩套。當我坐低之後仲即刻俾咗杯熱茶我，可能見到我凍到面青青🥶餐廳主打係steak🥩, 而且我哋一心都係諗住要食吉列牛扒。所以雖然見到隔離枱叫咗雞扒同鯖魚套餐好吸引咁，但係我哋都叫咗兩份牛扒定食。
➡️吉列炸牛扒定食 （$188）
原來炸牛扒唔係好似炸豬扒咁炸到全熟。塊牛扒只係上咗脆漿，輕輕咁炸過，入面仲係9成生。我哋可以用個小火爐，放牛扒上去燒，煮到自己鍾意嘅生熟程度。小火爐上面仲有一片牛油。用牛油嚟燒塊牛扒真係香味四溢。牛扒入口好外皮酥脆，但係入面D肉仲好軟嫩juicy! 真係好好味，朋友無介紹錯！ 如果沾埋個燒汁，味道更加豐富😋
➡️板腱牛扒定食 （$158）
板腱牛係每日限量供應，我哋好彩去到仲未賣晒。店員話板腱係牛嘅膊頭位置，唔會咁多油脂，肉味相對較濃。我哋叫咗medium, 不過嚟到好似medium rare 多啲。不過我哋有個小火爐，燒兩燒就變返medium, 仲熱辣辣添😁板腱的確肉味比較濃郁，雖然係厚切，但係都唔靭。
定食加$8可以將白飯改做炸薯條🍟薯條出奇地好食，啱啱炸起，卜卜脆又唔會油淋淋。
我哋一用完個小火爐，店員就即刻幫將個爐拎走，非常貼心，唔使我哋俾D煙熏住☺️
Steak Bar 地方唔係好大，適合同朋友或拍拖去食。因為有小火爐，我自己就唔會帶個仔去，但係下次可以帶我老公去😁
张贴