Baan Phadthai (已結業)

等咗咁耐終於都出咗Bonus，可以帶屋企人去食餐好嘅。所以今次特別揀咗一間高級及高質嘅泰式越南餐廳！希望屋企人鐘意食！✔️燒豬頸肉🐷呢個豬頸肉煮得好唔錯，豬頸肉外面燒到少少燶。而且有好香嘅炭火味😋，口感脆脆地，咬開仲有好多嘅肉汁流出來，十分juicy。👍🏻好味。✔️沙嗲豬肉串🐷賣相超吸引，豬肉串燒到岩岩好，肉質仍然好嫩滑。每一串豬肉都醃得好入味。就算唔點沙嗲醬， 都有好濃郁嘅沙嗲味喺豬肉串上面！超正✔️黃咖喱軟殼蟹🦀咖喱入面加左椰汁，所以咖喱味特別香濃。再將炸到卜卜脆嘅軟殼蟹浸係咖喱汁入面。軟殼蟹索晒咖喱汁，特別惹味！真係食到舔舔脷😍✔️芒果斑蘭葉糯米飯🥭飯後甜品一定要食芒果糯米飯😍芒果超甜超新鮮，加埋有有好香斑蘭味嘅糯米飯同椰汁夾埋一齊食，味道鮮甜清新！食完飯食埋佢真係超滿足！😍