影片
更多
2021-12-10
285 浏览
位於銅鑼灣永光中心17樓的多國菜餐廳，取名MEMOIR （回憶錄），個人認為餐廳希望每位食客品嚐完之後，將在餐廳體驗到的環境，食物，服務，細心，記在腦裏，有時候會掛念回憶，然後再次體驗，這就是我的感覺💛裝廳裝修柔和舒服，坐位寬躺，加上微微昏暗嘅調色燈光，氣氛好好，令人好有感覺。坐底後服務員細心講解Menu ， 打開細心觀看，首先吸引我不是食物，而是一句句手寫的語句及一張張即影即有的照片，非常扣人心弦，令人在有所反思。服務值得一讚，上每道菜都有介紹，遇上我呢個對食物每事問又要求多多嘅煩人，都一一細心有禮貌解答👍🏻👍🏻是日晚餐二人前，我哋揀咗 4 Course Dinner Set ▪️黑松露雜菌忌廉湯湯香濃Creamy ，仍然食到磨到好碎既雜菌，加上黑松露油更加濃郁👍🏻👍🏻▪️First Course ▫️芝士煙肉焗啡菇蘑菇雖然細細隻但係好Juicy，加上最佳拍檔，洋蔥，煙肉炒香加埋芝士一齊焗，非常好味，最鍾意煙肉嘅鹹香加上溶化嘅芝士💛▫️香煎鵝肝 （+30）任何Menu 有鵝肝我都一定會食，呢度嘅鵝肝，煎得外脆內軟，只係加咗少少鹽同黑椒調味，重點係要配埋佢哋自家磨嘅蘋果蓉一齊食，味道好清新，減
裝廳裝修柔和舒服，坐位寬躺，加上微微昏暗嘅調色燈光，氣氛好好，令人好有感覺。
坐底後服務員細心講解Menu ， 打開細心觀看，首先吸引我不是食物，而是一句句手寫的語句及一張張即影即有的照片，非常扣人心弦，令人在有所反思。
服務值得一讚，上每道菜都有介紹，遇上我呢個對食物每事問又要求多多嘅煩人，都一一細心有禮貌解答👍🏻👍🏻
是日晚餐二人前，我哋揀咗 4 Course Dinner Set
▪️黑松露雜菌忌廉湯
湯香濃Creamy ，仍然食到磨到好碎既雜菌，加上黑松露油更加濃郁👍🏻👍🏻
▪️First Course
▫️芝士煙肉焗啡菇
蘑菇雖然細細隻但係好Juicy，加上最佳拍檔，洋蔥，煙肉炒香加埋芝士一齊焗，非常好味，最鍾意煙肉嘅鹹香加上溶化嘅芝士💛
▫️香煎鵝肝 （+30）
任何Menu 有鵝肝我都一定會食，呢度嘅鵝肝，煎得外脆內軟，只係加咗少少鹽同黑椒調味，重點係要配埋佢哋自家磨嘅蘋果蓉一齊食，味道好清新，減低左鵝肝嘅油膩，好好嘅一個配搭
▪️Second Course
▫️紅石榴藜麥羊芝士沙律
呢個沙律口感好得意，爽脆嘅紅石榴和藜麥，配上軟軟淋淋嘅羊奶芝士，食材新鮮好味
▫️蟹肉牛油果沙律
用半個牛油果面頭放滿蟹肉沙律，再加上粒粒三文魚子，鮮味非常
▪️Main Course
▫️日本廣島蠔燴意大利飯 $318
意大利飯米身飽滿，軟硬剛好，飯醬汁好Creamy 充滿住芝士，洋蔥，本菇，𧐢汁既味道，好香濃，更加精彩就係五隻大大隻嘅廣島蠔，蠔非常肥美，有少少半生熟嘅狀態，好鮮味，再加上三文魚子，更加好食
✨必食推介
▫️16小時慢煮油封鴨髀 $428
這個是餐廳每日限定的，鴨髀經過16小時慢煮，上枱時充滿鴨的油香，肉巳經非常軟淋，皮油脂豐富，食既時候一定要皮肉一齊食，入口即化，師傅只用比較清既醬汁調味，可以保留鴨的鮮味，好用心既一道菜式
▪️Dessert
▫️意式奶凍
自家制的Panna Cotta充滿奶香，非常滑溜，加上鮮磨蘋果蓉和藍莓作點綴，簡單好味既甜品
▫️和風紫菜薯條 $58
薯條控又要食薯條，即炸粗身薯條加上紫菜粉，第一次試呢個口味，非常唔錯
🍹打咭影相Drink ，又是店家用心制作之一，襯托飲品的木托盤和花花擺設，每杯飲品襯哂色，真心好靚好驚喜💛唔單只睇得，仲好好飲
▫️Virgin Blueberry Mojito $ 68
主要成份藍莓，薄荷葉，梳打，黃糖
好多打碎左既新鮮藍莓，加上香濃薄荷香
唔太甜，幾特別
▫️Keung P $68
主要成份羗，菠蘿，檸檬汁，黃糖
睇名以為Keung B🤣，有羗既野我就好鐘意
用新鮮既羗打碎，加上菠蘿檸檬汁，充滿羗既辛辣和菠蘿汁嘅鮮甜，超級好飲
✨這次體驗非常好，食物質素高，其他配套看得出店主的用心，必須回頭的餐廳
张贴
