影片
更多
2021-12-15
58 浏览
期待已久嘅鮨逸Omakase今日終於食到喇。有老細係度，一於揀個最貴嘅餐 逸Itsu先😆😆 $1480 另加一，total 25道菜🤩🤩 我地坐吧枱，一路食一路睇住師傅為我哋準備和介紹菜式。🇯🇵前菜先嚟枝豆，牛油炒香栗子🌰 ，之後係水雲松葉蟹，海藻浸係啲酸汁度，滑嘟嘟，好開胃，亦能引岀蟹嘅鮮味。壽司伴碟有子薑，紅酒蕎頭，牛蒡，漬蘿蔔。食壽司刺身，一定要歎番杯靚酒，先至係極致嘅享受😎 今日點嘅係梅酒$88，入口順滑，梅味點到即止，一啖刺身，一呷梅酒，滿滿幸福感。🇯🇵蟹膏豆腐 蟹肉好鮮，豆腐好重蟹膏味，質感好嫩滑，唔錯。刺身🔸鱈魚白子😳白子好綿滑，好似食緊豆花咁，配海帶柚子醋，冇腥味，入口即化。🔸岩手縣石垣貝師傅重重地將石垣貝摔在枱上，會回彈至原來的樣子，食落好爽口鮮甜。🔸油金魚薄切 酸汁😍師傳刀功幾好，油甘魚切得好薄，魚肉索晒個酸汁，魚肉甘香爽滑，魚脂豐富，連wasabi 汁捲住菊花一齊食，唔錯🔸紫菜火炙帶子帶子薄切，微微火炙過，再加七味粉嘅辣同帶子嘅鮮好夾，同超脆嘅紫菜一齊食，口感好正！🔸白見貝即日本象拔蚌，新鮮透明，肉質較硬而咬落爽口。🔸牡丹蝦 蝦膏係燒熟咗嘅蝦肉晶凝通透，鮮甜，蝦膏
我地坐吧枱，一路食一路睇住師傅為我哋準備和介紹菜式。
🇯🇵前菜先嚟枝豆，牛油炒香栗子🌰 ，之後係水雲松葉蟹，海藻浸係啲酸汁度，滑嘟嘟，好開胃，亦能引岀蟹嘅鮮味。壽司伴碟有子薑，紅酒蕎頭，牛蒡，漬蘿蔔。
食壽司刺身，一定要歎番杯靚酒，先至係極致嘅享受😎 今日點嘅係梅酒$88，入口順滑，梅味點到即止，一啖刺身，一呷梅酒，滿滿幸福感。
🇯🇵蟹膏豆腐
蟹肉好鮮，豆腐好重蟹膏味，質感好嫩滑，唔錯。
刺身
🔸鱈魚白子😳
白子好綿滑，好似食緊豆花咁，配海帶柚子醋，冇腥味，入口即化。
🔸岩手縣石垣貝
師傅重重地將石垣貝摔在枱上，會回彈至原來的樣子，食落好爽口鮮甜。
🔸油金魚薄切 酸汁😍
師傳刀功幾好，油甘魚切得好薄，魚肉索晒個酸汁，魚肉甘香爽滑，魚脂豐富，連wasabi 汁捲住菊花一齊食，唔錯
🔸紫菜火炙帶子
帶子薄切，微微火炙過，再加七味粉嘅辣同帶子嘅鮮好夾，同超脆嘅紫菜一齊食，口感好正！
🔸白見貝
即日本象拔蚌，新鮮透明，肉質較硬而咬落爽口。
🔸牡丹蝦 蝦膏係燒熟咗嘅
蝦肉晶凝通透，鮮甜，蝦膏味道濃郁，回甘，同蝦肉一一齊食，包你話正。
🔸宮城松島蠔🦪
我自己鐘意比較爽口嘅蠔，呢個啱晒我爽口鮮甜，大隻厚肉，好鮮亦有礦物味，好食😋
🔸天婦羅紫菜白海膽
呢個超好食，係超。好。食。珍貴嘅綿滑白海膽加上酥脆嘅天婦羅紫菜，個口感真係好難忘，白海膽超甘甜冰涼，水份重，紫菜嘅鮮味和白海膽嘅甘甜互相揮映，好正😳
🔸吞拿魚背脊 紫海膽
海膽creamy，味道濃厚，我覺得蓋過了吞拿魚嘅甘甜味。
🔸火炙鰹魚 紫蘇葉
鰹魚表面微微火炙過，中間仲係軟綿，脆口紫菜加一片紫蘇葉，口感層次豐富，還夾著少少惹味嘅炸蒜蓉芝麻，整個味道升級🥰
壽司🍣
▪️柚子汁石垣鯛🐟
魚肉爽口，加點油子汁，味道更清新，
▪️赤貝
平時食放題或者普通嘅壽司店好少叫赤貝，因為覺微好腥，但呢隻好爽口味甘又鮮甜，仲要好大隻，好滿足。
▪️薑蔥秋刀魚
秋天嘅秋刀魚係最肥美，用嚟做刺身一定係新鮮，厚肉，魚味濃郁🥰
▪️沖繩車海老🦐
面頭輕燒過，一成熟左右，下面蝦肉仲係透明嘅，爽口好食。
▪️油坊主🐟
呢個未食過，係鱈魚科，師傳話可長大至六十公斤，肉質爽口，經火炙後滿滿魚油香，😍正到冇朋友！
▪️筋子
即新鮮三文魚子，由於薄膜將粒粒魚籽連起，魚籽可以一抽過拎起😍😍師傅話係新鮮嘅先會有呢塊薄膜。
▪️吞拿魚腩壽司
魚腩肥美，滿滿油脂，入口甘香油潤，係人間美食😍。
▪️香箱蟹🦀
即係雌性松葉蟹，體型雖比平時食嘅松葉蟹小，但都鮮味十足，滿滿嘅蟹肉好細緻幼嫩，仲有蟹膏同蝦籽，味道難忘。
🔅三文魚籽腐皮
腐皮重豆味，魚籽清甜，個配搭又真係好唔錯😋
🔅南非鮑魚慢煮4小時配蟹膏
個鮑魚師傅話經過四小時嘅慢煮，保持鮮味和彈性，咬落帶嚼勁，配埋個甘香蟹膏，真係perfect match!
🔅天婦羅太刀魚 岩鹽
即整嘅，一定趁熱先好食，外層炸衣薄薄的，好香脆可口，配合透明稠身嘅海藻汁，口感變得滑溜帶脆。太刀魚用雪白嫩滑，好juicy，讚！
🔅布甸蛋🍮
其實係焗蛋，甜甜地亦有蛋香，可以當甜品咁食。
🔅烏魚白子湯🍲
食左咁多生冷魚生，呢個時候飲番個熱辣辣嘅湯暖下胃就剛剛好。望落個湯好清，有清香菇味，仲有粒白子，比鱈魚白子硬身啲，但都好滑。
♥️沖繩焦糖海鹽雪糕🍨
最後以冰凍軟滑雪糕作結，為今餐畫上完美句號。
张贴
