賣撻

营业中

休息中

平時我都好鍾意週圍搜尋特色嘢食， 尤其是蛋糕及撻我好少喺啲大型連鎖店買， 因為小店製作同大型連鎖嘅質素真係唔同， 我今次又喺網上搵到間好嘢， 我自己好鍾意食堅果， 之前都試過好幾樣堅果類蛋糕及撻，但係夏威夷果仁作為主題嘅撻第一次食， 一見到即刻吸引我落單訂購😂取撻店舖極之方便就喺石門地鐵站行三分鐘就到， 拎撻嘅時候仲會附送保溫袋，個保溫袋好靚好有香港特色嘅紅白藍袋😂蛋糕外型靚 切開撻見到好有層次， 每層都包含唔同嘅滋味 ，除咗雲呢拿籽海綿蛋糕外，仲有大量果仁碎粒，吉士忌廉， 岩鹽焦糖忌廉，等等， 忌廉香滑， 果仁味超濃郁， 食得出店主用上高級嘅食材， 精緻嘅手藝 ，撻邊仲有好多夏威夷果仁圍邊添， 鍾意食夏威夷果仁嘅 唔好錯過