鮮入圍煮花膠雞海鮮火鍋

今次去食左一直好想試既火鍋店，幾年前金剛小儀推介做節目推介過，當時已想試，但一直都拖到而家，我地兩個人叫左佢地招牌既花膠雞湯底（2人份）！金湯底入邊有半隻雞同埋有5-6塊 Size唔細既花膠！我地先食雞食花膠飲湯，雞是有先預先醃過所以有少少咸雞味但唔會好咸，花膠係幾厚實既雪魚膠，湯頭無味精，好有住家味既花膠雞湯，總之就係好飲！

花膠雞湯底（半隻雞）$308

兩個人打邊爐，真係比較難叫餸，我地盡量每類叫少少試下。
叫左手切頂級安格斯牛肉$268；鵝腸 $98，牛骨汁濃湯牛丸$48（4粒）；帶子鮮肉餃$60（4粒）；紫薯麵$25；桂花蚌$158；響鈴$48，唐生菜$38。
最令我驚喜既係牛丸，多汁又彈牙！

好多嘢食，下次一定叫一大班人嚟試！

臨走前念念不忘，睇一睇個招牌，重發現餐廳都拎過唔少獎！