金鶴拉麵 (九龍城道) (已結業)

之前去其他分店食過北海道海老濃厚拉麵，味道唔錯，幾鍾意個湯底，今日專程再到土瓜灣分店，想試下其他唔同口味湯底。特濃雞白湯拉麵🍜 : 超級濃郁雞湯，味道比中式老火雞湯更濃，感覺全隻雞既精華都集合喺碗湯底度。拉麵上有一堆炸牛蒡絲，脆脆的好香口。黑蒜醬油拉麵🍜 : 湯底看似好油但其實一啲都唔油，仲有好香蒜味，比一般醬油湯底更惹味。每碗拉麵都有好多配料，紫菜、黑木耳、荀、溫泉蛋，當然唔少得既日式义燒，另外仲有雞肉。除左拉麵，小食質素都唔錯，點左餃子、鹽燒雞翼，餃子多肉汁，雞翼燒到香脆，只用鹽調味都好食。