快樂小羊火鍋料理 (銅鑼灣廣場一期) (已結業)

呢兩日天氣下降，趁着聖誕假期最後一天，同屋企人一齊出嚟圍爐取暖，因為大家都鍾意食羊，自然又會諗起「快樂小羊」，以往都係去開旺角店，今次專登過嚟銅鑼灣店試吓😋旺角店裝修俾人嘅感覺，就好似返咗國內嘅火鍋店一樣，而銅鑼灣店裝修摩登一點，整體環境俾人覺得時尚、舒服、寛敞及乾淨整潔嘅感覺，四人卡位非常寛敞，最特別呢度啲包房係每人一鍋設計，非常適合朋友或家人聚會👍到「快樂小羊」例牌都要食烤羊吋，羊肉肥瘦適中即叫即烤，邊食邊傾邊飲啤酒，真係唔經唔覺就食咗好幾串😂其他火鍋配料有必食嘅羊肉卷、凍豆腐、鮮羊肉滑、蝦滑、墨魚滑、毛肚、韭菜餃等等，每樣食物同旺角店一樣新鮮好味，保持水準👍