快樂小羊火鍋料理 (銅鑼灣廣場一期)

营业中

休息中

呢一日出開去銅鑼灣睇戲，突然想食類似小肥羊嘅邊爐，之前聽過人話呢間都唔錯，所以諗住試吓。本身諗住睇戲前食，因為OpenRice book有折，最尾太遲book book唔到早😂 就變咗睇完戲先食，仲好，6點幾食係85折，原來9點半有75折，仲平咗！間餐廳都幾大，可能去到嗰時都晏，2個人都俾咗張4人檯我哋，都坐得幾舒服。叫咗個 成雙鍋 $128一邊清湯，一邊麻辣，清湯嗰邊個味有少少似小肥羊嗰隻湯底，但都唔係好夠濃。麻辣嗰邊都普通，又唔係話真係好香🙊羊羊大拼盤 $268喺OpenRice見到人哋食好似幾開心，可以試到三款羊，而且我哋得兩個人，諗住可以樣樣試啲。但三款羊都有啲「鞋」，後尾問返侍應係邊三款，佢話係 滑嫩太陽卷、羔羊肋卷、草原臻選大片羊。仲要食完覺得好似唔係好夠喉，於是乎之後又叫多款羊。軟骨高鈣羊 $88呢個係後加，反而我哋覺得呢個好食啲，個羊味香啲，而且冇咁「鞋口」。手工丸雙拼 $98有 手打墨魚丸，同埋 黑松露羊肉丸。我覺得個手打墨魚丸幾彈牙，唔錯。個羊肉丸就普通。皇帝菜 大$42 細$21本身係嗌個細嘅，之後個菜吸咗啲湯好好食，第二轉叫咗個大😂鹹檸檬七喜 $28杯嘢飲就正常

快樂小羊，位於銅鑼灣廣場一期，可以說是其中一間火鍋飯堂。近日做緊夏季特價，剩係食$300送$300現金券已經超抵。每次來食都一定會叫無雙鍋，金湯酸辣湯底拼清湯，今晚叫呢個湯底仲送多碟美國肥牛，超級抵食。酸辣湯味道特別，酸酸地辣辣哋，食羊肉一流，A級羔羊肉又有特價，$28碟，羊肉唔會有羶味，肥瘦適中，超抵食。美國牛小排-牛肉最軟嫩入口即溶感覺。水魷魚新鮮味道超濃，爽口好食，必點推介。餐廳仲有自取蔬菜任食吧，正呀。

之前已經聽過朋友推介過呢間好食又唔貴性價比高😀但因為要過海食一直都夾唔到時間～而家開左係港島，一放假有時間就即刻去食🤪呢度係銅鑼灣一期地鐵站一上就係唔洗搵好方便～上到去見到環境都幾大，坐位好闊落，坐底店員介紹做緊限時優惠有食300送300現金劵活動、叫濃郁酸辣金湯既鍋底會送$58美國肥牛一份、張枱就算得一個人係60歲長者都可以有配料半價😍真係勁抵！仲要佢地既蔬菜任食、我關注左佢地既WhatsApp又送楊枝甘露😂食到捧住個肚走😆-成雙鍋（清湯，蕃茄） $108店員提醒我哋上咗鍋之後可以試吓飲碗湯先☺️清湯都好重藥材😋蕃茄都好夠味～-黃金羊王 小份$149一上枱嘩左聲！勁有氣派好大一盤🤩重羊味但羊肉唔羶肥瘦均勻必叫！-羔羊上腦肉 小份$49這款就比較嫩比較瘦一點但口感不錯👍🏻-手工滑三拼 $88瑤柱蝦滑、蟹籽墨魚滑、羊肉滑瑤柱蝦滑很彈牙有大大隻蝦墨魚滑比較鬆化一點但依然有彈牙的口感羊肉滑非常之特別在外面應該唔易搵口感偏實一點、而味道都幾特別值得試😎-鮮蝦雲吞 $19、手工韭菜水餃 $19 🥟呢度款款都真材實料又新鮮所以隻隻水餃雲吞都係脹卜卜鮮蝦雲吞大大隻蝦喺入面韭菜水餃都食得出好新鮮🤩-鹹檸

開涼拌海蜇頭：開胃小食，海蜇頭爽口彈牙，酸酸涼涼。湯底：金湯拼麻辣。金湯湯底好鮮味，酸酸麻麻嘅感覺，十分之開胃。麻辣湯底底料好足，特別多辣椒同蒜頂，鍾意重口味既你一定要點。牛肩肉：脂肉比例分明，從花紋上都感受到，食落有牛味。羊肉：擺盤同賣相幾靚，卷起擺放方便夾起同唔會痴住隔黎，食落無雪味亦都無羊肉 膻味。羊肉串：燒得好香，鐵板上以保持溫度，十分貼心。羊肉香口，調味適中，唔會有太多孜然粉而蓋過羊肉嘅味道，高質素羊肉串，忍唔住叫串食下。墨魚滑：一份有三條性價比算幾高，食落有墨魚嘅味道亦都好彈牙。寬粉：個湯底咁香梗係要叫返份試吓，吸收下湯底嘅精華，一試難忘。總結：地方好大好舒適，侍應服務周到，火鍋個爐邊有抽吸系統，企企理理，唔會成身油煙味，家陣仲同緊promote 優惠，like and share送肥牛，楊枝甘露，十分滿足。

光陰鍋唔好比個名清湯鍋𠱓咗～湯底加入36種配料，經過多個工序烹煮，煲出鮮味，越煮越濃。而且跟羊肉好夾，不用點仼何醬料，都已經好好味~黃金羊王叫得羊王選用嘅部位係矜貴嘅肋腹肉，細份都已經好大盤，擺盤精美份量十足，肉質嫩滑帶油香，羊味濃郁。羊羊大拼盤想試吓其他部位於是就叫埋羊羊大拼盤，一盤有曬滑嫩太陽卷、草原臻選大片羊同羔羊肋卷，最出色係太陽卷，紅肉搭配少許羔羊嘅嫩脂肪，而且切得夠薄，入口即溶。每款羊肉羊味濃，各有特色~二人都食得晒一整盤，好吃又不貴。蒙式烤羊串鐵板上，保持温度～烤羊串撒上的調味粉很惹味，鍾意重口味的人叫呢啲烤物就最合適～蔬菜可在自助區仼食近期有食300送300現金劵活動！下次再訪涮羊肉！

好想食羊肉，但想喺香港搵到一間好食嘅羊肉，真係有啲困難🥲係OpenRice碌咗好耐…最後揀咗快樂小羊火鍋料理🤣我哋今次叫咗成雙鍋 ，選擇了清湯+麻辣湯。我哋忍唔住喺未淥任何嘢之前飲咗好多清湯，好好飲🤣而且店員好好不停咁加湯👍🏻外面有蔬菜bar，可以任拎蔬菜👍🏻款式都幾豐富！1.塔拉上的快樂卷（大份）我想講佢嘅份量比我想像中大，圖片與現實係相符嘅🤣可以放心叫！重點重點，佢嘅羊肉係唔羶，好開心，係好食嘅！2.脆鯇（骨腩）脆鯇好爽脆，切得好好，淥幾下就食得👍🏻3.自製土豆粉（小份）有啲似薯粉，個人好鍾意煙靭嘅口感😍4.脆爽鮮毛肚 （小份）真係切得超大塊，彈牙的口感，係正嘅！5.鴨血（小份）充分吸收湯汁嘅鴨血好好味，因為我哋兩個人，所以我覺得份量好足夠！6.爽脆脆牛舌（大份）薄切嘅牛舌，好爽，好味！7.蒙式烤羊串用鐵板上嘅羊串，香氣撲鼻！食落肥瘦相隔，真係好正！享受火鍋時，都可以品嚐到獨特的烤羊肉風味，可謂一絕。我哋食到超飽，好多食物到嗰陣我哋都發現份量好大，我同朋友都覺得喺性價比高同好食👍🏻我哋冇特別叫飲品，因為店舖有提供茶，幾好飲，不過留意返會收茶芥😝埋單先發現，舖頭而家有食300送300

今日嚟到呢間位於銅鑼灣二期嘅餐廳，距離地鐵站大概係5分鐘路程，如果喺B出口行過去，就比較近，我同朋友都係銅鑼灣地鐵站落行過去，位於銅鑼灣廣場二期嘅4樓，直接喺地鐵站上邊真係非常方便，介紹大家可以去試吓！🔥魚皮，瞓啦嚟講如果呢個價錢都非常大份，我哋叫咗麻辣湯底再加埋湯底嘅味道簡直係非常match, 每一件都大大舊，打邊爐真係唔可以小得魚皮🔥午餐肉（小份），午餐肉加埋麻辣湯底嘅味道非常好食，索左佢本身湯底嘅精華，而且餐廳可以俾你揀大份同埋小份，可以揀多幾種自己鍾意食嘅嘢，午餐肉質素都係中上，正！🔥羊羊大拼盤，嚟到嘅時候有乾冰嘅效果非常適合鍾意打卡嘅朋友拎部電話出嚟，而且比我想像中非常出色，完全冇蘇味，同埋切得非常厚身，以呢個價錢嚟講真係非常大份，我哋兩個人食差啲食唔晒，真係好抵食，鍾意食羊嘅朋友真係唔可以錯過🔥凍豆腐。有八大件，完全可以吸入到湯底嘅精華，鍾意食凍豆腐嘅朋友真係唔可以錯過，非常好味，我同朋友都非常鍾意！🔥青島啤酒$28@，打邊爐點少得啤酒，呢個價錢嚟講都唔算太貴，凍冰冰，非常爽！🔥另外餐廳嘅蔬菜係可以自己出去任添，無限任吃，當然大家要量力而為，但係呢一個安排到非常方便，我都揀

咁岩到銅鑼灣，來到銅鑼灣中心一期，想打邊爐一定會選擇快樂小羊這家最快有位，最鍾意番茄湯底 。每次都飲兩碗先開始食嘢。估唔到呢間快樂小羊地方咁大仲要冇麥人我地叫既野食樣樣份量都好足湯底好重口味肉類既擺盤好靚服務都非常好最鍾意食肉既我覺得羊味夠so烤羊肉串和韮菜卷，好食每次都要食幾串比較喜歡羊丸和羊餃，在處理過的羊丸做成丸或餃都有羊味，效果不錯。仲送左coupon 下次用者係下次人均可能$150 都得我會再嚟食

一直諗緊係咪以前既小肥羊見到個湯底就知道係喇曾經都經常食小肥羊任食5.1 即興一行五人去打邊爐又唔想任食因為而家任食起碼都$300 以上仲要限時估唔到呢間快樂小羊地方咁大仲要冇麥人我地叫既野食樣樣份量都好足湯底好重口味肉類既擺盤好靚服務都非常好人均都唔使$200仲送左coupon 下次用者係下次人均可能$150 都得我會再嚟食👍🏼

質素一般，性價比一般最好食係鬼馬油炸條，油炸鬼上面有魚肉同蟹籽，食落卜卜脆幾好味同埋幾特別😋😋😋😋😋其次，佢個牛柏葉都做得幾出色，我好鍾意食牛柏葉，佢嘅牛柏葉食落好爽脆。啲牛柏葉仲要大大塊口感極佳。😋😋😋😋仲有，個拼盤係三種肉類嘅拼盤，分別係羊肉、牛肉同埋豬肉。但係我食落，唔係好分到佢哋嘅分別，羊嘅味道唔重。另外，個羊丸味道好一般，食落有啲似牛丸，嗰隻係黑松露羊丸，但係冇黑松露嘅味道。最後，我哋嚟講吓個湯底：個湯底係鴛鴦鍋，但係個味唔夠濃，打邊爐打到中間，仲要加水，咁就令到個湯底更加淡啦。埋單每人三百幾蚊，性價比一般，但又唔算好貴。店名：快樂小羊地址：銅鑼灣廣場一期4樓

寒潮來臨，又到了吃火鍋的最好季節了。雖然餐廳名字叫快樂小羊，但它不只是吃羊肉，有很多其他火鍋材料。現在，它還有五周年半價優惠，真的十分划算！最受矚目的是一大盤大理石花紋牛肉盤上桌已十分吸睛，牛舌、牛肉，滿足多重口感。放入湯底滾幾秒就能立馬撈起，入口細嫩多汁，牛肉味道醇香！😋 必點 - 手工丸雙拼（蝦丸、墨魚丸）有蝦丸、墨魚丸和羊肉丸三款，自選兩款雙拼，我們不太吃羊肉，所以選了另外兩款，果然是手工丸，口感相當鮮嫩彈牙，泡浸在蕃茄湯汁裡，格外鮮美！點了淮山面、各種蔬菜，蔬菜十分新鮮。當然，還有烤羊肉串、羊肉等，羊肉愛好者一定不能錯過！還不約上三五知己，一同吃火鍋去！📍快樂小羊火鍋料理 (銅鑼灣廣場一期) (銅鑼灣)地址：銅鑼灣軒尼詩道489號銅鑼灣廣場一期4樓

以前在旺角快樂小羊吃羊留下好印象，想到太久沒吃，來銅鑼灣快樂小羊試下。一進門，前臺態度已經一般。入座後用廣東話詢問沾碟，著黑西裝，及肩中髮阿姐，用普通話回答，辣定唔辣，黑口黑面到，我以為我系佢個女，可以隨意教訓。但後面佢用廣東地方口音（非香港口音）同其他人講嘢，實在可笑。不過，呢間嘢嘅男經理服務幾好。講真，見到快樂小羊變成咁，我實在覺得今非昔比。食物質素也下降了些，員工也明顯沒有得到系統培訓，呢度公司問題更大。咁樣落去，很快會執。

第一次食快樂小羊，正常表現，唔會覺得唔值，但未去到好驚喜同食材唔算非常新鮮。不過自己去就唔會再去啦今次有老細所以包左VIP房, 環境舒適坐位闊落, 每個人都有一個小鍋打邊爐選擇岩自己既湯底,我就簡左清湯同麻辣。個人認為本身D野食咁重口味, 所以麻辣係夾D, 要食就食到最重口味!食左黃金羊肉, 有羊味但唔算太羶, 大家都食到落口。另外再叫左碟3合1 (牛,羊,豬) 都幾好食; 海鮮方面, 魚、蝦、魷魚食落新鮮爽口, 但比較失望既係象拔蚌刺身, 食落好腥, 完全食唔到第二啖。其他配料 (鴨血, 手打鮮滑, 菜, 響鈴)都係正正常常。但花膠同油炸鬼唔建議叫, 花膠煲左好耐都唔淋, 而且帶腥, 對比自家屋企食既一定有分別; 油炸鬼表面加左蟹籽令口感更豐富, 可惜敗筆於切得太大舊…淥一少陣個心又硬, 淥多陣成條已經淋到無口感…令到成件事好奇怪, 點都食唔到佢最好個刻。最好賣點係環境舒服, 食物只係發揮一般水準, 而侍應姐姐既態度真係不敢恭維。基本上全程無笑容講野無尾音, 我明呢樣唔係必然既。但答你野都係呼喝既態度, 而佢地係放入黎VIP房既同事…我想像唔到係大廳個D同事係咪更加做到無反應。

我同朋友約咗去食快樂小羊，揀咗鴛鴦鍋火鍋，真係好開心！佢哋嘅鍋底味道好似小肥羊咁，真係令人驚喜我地叫咗羊肉片，味道都好不錯。至於烤羊排，就稍微乾曬啲，不過味道仲算可以。羊肉片新鮮嫩滑，入鍋之後好快就熟哂。每一片羊肉都帶嚟濃郁嘅羊肉味道，真係好美味。至於烤羊排，肉質稍微有啲乾，不過味道仲算不錯。佢哋可以提供不同嘅醬料同埋配菜，可以自己搭配出最喜歡嘅口味。我試咗幾片羊排，覺得肉質稍微有啲乾，唔算太嫩滑。不過味道仲算可以，有淡淡嘅羊肉香氣，入口唔會太油膩。快樂小羊嘅環境好寬敞，座位都好舒服。可以坐低，放鬆心情，慢慢享受火鍋嘅樂趣。

今次終於同朋友嚟到喺銅鑼灣廣場一期嘅快樂小羊🐑🐑 一直都唔敢嚟，因為自己個人唔係太喜歡食羊嘅，但係過往都有聽過呢間出名好食，所以今次比朋友說服下就嚟試－試😊 我哋夜晚大概10點幾到！餐廳面積都比較大，喺廣場4樓全層。呢個時候食飯唔太忙，服務都ok 👌🏻 我哋嗌咗幾碟牛同羊打邊爐仲有嗌咗一啲小食。Menu菜式唔多又唔少整體嚟講都唔貴，叫做終於都試過小羊有幾快樂了😆😆