四季日本料理 (已結業)

四季有分貴 d 要 book 位的同平 d 既 self-service 個邊，我兩面都有食過。多數都係去平 d 個面，但係真係好貴！寫呢個 post 都係想講佢開始令我覺得唔抵食....最中意食佢個網燒牛仔骨定食，我叫到都俾個 waitress 認得我叫呢樣野。但係好貴，由$6X to $75 now，但係 self-service 又難搵位。呢度規定一定要買左野食先可以霸位，所以好幾次都係狼狽地揣住食物盤等位。個日籍經理會幫你搵位的，不過見過職員入面因為有人做得慢要爆發罵戰，可能太多人啦，d 盤呀、杯呀、匙呀，都試過無晒，未換得切新的.....介紹網燒牛仔骨，個汁係幾好味，不過鹹左 d ，肉質都算ok唔會太un，份量都算多，好彩的話會骨少多肉，不過呢個價錢係出面難食到成個餐咁既既。佢既 side dishes 有薯仔或菜揀。已經跟白飯，所以都係 choose 菜，佢既雜菜真係好好味，不知用咩煮架呢？有 d 豬肉係入面，好有興趣知。之後都食過其他野，都唔係太抵。好似個天婦羅烏冬，得一隻蝦，兩舊都唔知係咪用剩的矮瓜與南瓜，佢俾我既時候，我真係錯鄂左一下，要問番佢係咪黎齊囉。食完真係好空