校長燒肉日韓料理 (觀塘廣場)

营业中

休息中

一入到黎見到勁多野食已經心心眼😍真係第一次見到韓式燒肉會有咁多款式可以揀！而且肉類仲有唔同嘅調味，咖哩雞軟骨超正✨叉燒、牛肉、豬腩片都係我覺得特別好食同比較印象嘅肉類🥩雖然燒肉重點都係食肉，但係飲食均衡都好重要，所以我都有食返啲蔬菜平衡下🥬呢度嘅蔬菜都好多選擇，有冇人都係好鍾意食秋葵？對身體好健康所以我都食咗好多！仲有翠玉瓜同埋洋蔥🧅估唔到燒翠玉瓜原來又幾好食！食返多啲蔬菜中和下又可以繼續食肉，如果一味食肉就會好膩，呢個係我食放題嘅策略黎😂個爐都唔細，可以同時燒唔同肉類同蔬菜，所以2個鐘嘅時限係好充足，唔需要擔心會食得好趕嘅問題。